იტალია გაყვითლდა: იქით იკარდის ცოლი, აქეთ ძანიოლოს დედა...

ბოლო რამდენიმე კვირაა იტალიური ფეხბურთი ლომბარდიიდან დაწყებული ლაციოს რეგიონით დამთავრებული ყვითელი პრესის ფურცლებიდან არ ჩამოდის. ჯერ იყო და "ინტერის" კაპიტანს, მაურო იკარდის, კაპიტნის სამკლაური ჩამოერთვა. მიზეზად კი მაუროს პროკურატორი მეუღლის გრძელი ენა და შავ-ლურჯებისადმი უპატივცემულობა დასახელდა. ვანდა ნარა, იკარდის მეუღლე ჯერ ქედმაღლურად იქედნებოდა მაუროს მადრიდის "რეალში" გადასვლით, მაგრამ ესპანელებმა შემოუთვალეს მანდ ისეთი ამბები ხდება თქვენი სკანდალების თავი არ გვაქვს და დაეტიეთ სადაც ხართო.

ამასობაში არც "ინტერის" ხელმძღვანელობა აპირებს უკან დახევას და ვანდას ხუშტურებზე სიარულს. ეს უკანასკნელიც იძულებული გახდა სატელევიზიო გადაცემაში ცრემლებად დაღვრილიყო და ხელმძღვანელობისთვის მაუროსთან ურთიერთობის გაუმჯობესება ეთხოვა. საპნის ოპერად შერაცხული სკანდალი, რა თქმა უნდა, ამ ეპიზოდით ნამდვილად არ დამთავრდება. თავის მხრივ კოსტაკურტამ აღნიშნა - "ჩემს მეუღლეს მსგავსი რამ რომ ეკადრებინა სახლიდან გავაგდებდიო". ალესანდროს ეს სიტყვები ქალისადმი უპატივცემულობაში ჩაუთვალეს და იქვე თავისივე ცოლის მიერ დადგმული რქებიც შეახსენეს.

[ექსკლუზივი რომიდან] \'ემპოლის\' მწვრთნელი: აჯობებდა, მჭედლიძე უფრო ადრე შემეყვანა, მაგრამ...

სანამ ვანდა ლომბარდიაში ბობოქრობს, არც ლაციოს რეგიონი ჩამორჩება სკანდალებით. "რომას" ოქროს ბიჭუნა, ნიკოლო ძანიოლო, ბოლო რამდნეიმე კვირაა გულშემატკივართა განხილვის საკითხი გახდა. ერთი მხარე იმედოვნებს, რომ სწორედ ნიკოლოა ფრანჩესკო ტოტის ღირსეული ჩამნაცვლებელი და იმსახურებს კიდეც 10 ნომერი მაისურის ტარებას.

აი, მეორე ნახევარი კი მოვლენების დაჩქარებას არ აპირებს და უნდათ ასი პროცენტით დარწმუნდნენ, რომ ძანიოლო ნამდვილად იმსახურებს "რომას" სიმბოლო გახდეს. სანამ დედაქალქი განხილვაშია, ნიკოლოს დედა უქმად ჯდომას და ჩრდილში ყოფნას არც კი აპირებს. მეტიც, ინსტაგრამზე სექსუალური ფოტოებით უკვე მიიქცია ყურადღება, რის გამოც გაკიცხეს და ურჩიეს სცენა შვილისთვის დაეთმო.

ქალბატონმა ფრანჩესკამ ერთ-ერთ გადაცემაში გაგვიმხილა, რომ არაფრის კეთება არ იცის და კარგი იქნება "Grande Fratello-ში" თუ მიმიწვევდნენ მონაწილეობის მისაღებად. ამ განცხადებით განრისხებულმა რომაელმა საზოგადოებამ ძანიოლოს დედას უკვე გადაჭრით მოსთხოვა თავისი აქტიურობით შვილის პროფესიონალურად განვითარებას ხელი არ შეუშალოს. მეტიც ზედმეტი ხმაურის გამოწვევისგან თავის შეკავება მას კლუბის ხელმძღვანელობამაც მოსთხოვა.

ორშაბათის მადლითა

სანამ რეგიონები ქალების მიერ შექმნილი პრობლემების განიხილვაში არიან, ამასობაში სერია ა-ს რიგით 24 ტურის შეხვედრაში "რომამ" ოლიმპიკოზე "ბოლონიას" უმასპინძლა. სამუშაო კვირის პირველივე დღეს სტადიონზე გულშემატკვირის მოზიდვა ცოტა მტკივნეული საკითხია. საბედნიეროდ ოლიმპიკო გულშემატკივრის ნაკლებობას არ განიცდიდა და სამხრეთ ტრიბუნამ მგლებს ბოლომდე ღირსეულად უგულშემატკივრეს. კარგი ამბები ხდება სატურნირო ცხრილშიც.

სანამ "ნაპოლი" ფრეზე გაეყარა "ტორინოს, ლომბარდიულმა გრანდებმა დრო იხელთეს და "მილანმა"და "ინტერმა" სავალდებლო სამ-სამი ქულით სატურნირო ცხრილში პოზიციები გაიმყარეს. ჯენოაში ფეხი დაუცდა ინძაგის "ლაციოს".

"ატალანტაც" ცდას არ აკლებს, რომ ჩემპიონთა ლიგის საგზური დაიმსახუროს.

მგლები ოლიმპიკოზე

დედაქალქური გრანდი შინ, ოლიმპიკოს სტადიონზე "ბოლონიას" იმის იმედით დაუხვდა, რომ ცხრილში პოზიციებს გაიმყარებდა. თავის მხრივ სინიშა მიხაილოვიჩის "ბოლონია" შეხვედრის პირველ ნახევარში ნამდვილად არ იყო დამორცხვებული. მეტიც, პირველივე წუთებიდან მცდელობა მგლების დაცვის შეცდომაზე წამოგების სანსონე სანტანდერის წყვილს ოლსენის კარში პრობლემების შექმნად უჯდებოდათ. შეხვედრის დღევანდელი არბიტრი მარკო დი ბელო "რომას" თილისმად შეგვიძლია მოვნათლოთ - მისი მსაჯობით ჩატარებული 10 მოგებული შეხვედრით.

მიუხედავად იტალიური მედიის წნეხისა, ნიკოლო ძანიოლო პირველ ნახევარში აქტიურობით გამოირჩეოდა, რაც მის დღევნდელ შეხვედრაში კიდევ ერთხელ გამოვლინდა. სანამ "რომას" ხელმძღვაეობა იმის ცდაშია გუნდის შემადგენლობა იტალიური გახადოს, ამასობაში ფლორენცის შესაძლო ტრანსფერზეც გაკეთდა განცხადება, თუმცა ოფიციალურად ჯერ არაფერი თქმულა. პირველ ნახევარში რომაელები ნაკლებად აგრესიულები იყვნენ.

მანოლასის უხეში შეცდომები ბოლონიელებს სწრაფი შეტევისა და ოლსენის მზადყოფნის შემოწმებისკენ უბიძგებდა. პირველ ნახევარში დე როსის არყოფნა თავის მხრივ გუნდის მოტივაციაზე ცუდად აისახა. კოლაროვი ფლანგიდან მხოლოდ უმისამართო ჩაწოდებებით გამოირჩა.

სინიშა მიხაილოვიჩის ბიჭები კი მცდელობას არ აკლებდნენ ძანიოლოს განეიტრალებისა და ამავდროულად დროულად გადასულიყვნენ შეტევაში და მგლები უხეშ შეცდომებზე წამოეგოთ. დაცვაში ჩაძინებულ რომაელებს სერიოზულ პრობლემას კომუნიკაციის არქონა უქმნიდა. ჯერ იყო და კლუივერტს ედერი გაექცა, ამ უკანასკნელმა ბურთი კი ჩააწოდა, მაგრამ ფასიომ ხელების აწევით ბურთი კარისკენ გაატარა. აი, ოლსენს კი ნამდვილად დიდ ჯაფად დაუჯდა ამ უყურადღებობის განმუხტვა. რომაელებმა პირველი ნახევარი მშრალად კი შეინახეს, თუმცა სამხრეთ ტრიბუნისგან სტვენას მაინც ვერ გადაურჩნენ.

დრო, რომელიც არ უნდა გაფლანგო

დი ფრანჩეკო აბა, რას წარმოიდგენდა რომ სატურნირო მე-17-ადგილოსანი "ბოლონია" მის მგლებს ასე გაამწარებდა?!

ტრიგორიაზე გამართულ მატჩისწინა პრესკონფერენციაზე აკი დაიწუწუნა კიდეც, "გამოკვეთილი თავდამსხმელი არ მყავს და შეტევაში ძანიოლოს დააწვება მთელი ჯაფა".

კრისტანტეს არასტაბილურმა პირველმა ნახევარმა ეუსებიოს ელ შარაულის მოედანზე შეყვანა და გუნდის გადახალისება გადააწყვეტინა. რაც მომგებიანიც აღმოჩნდა. ელ შაარაულზე უხეში თამაში "ბოლონიას" თერთმეტმეტრიანად დაუჯდა. ყოფილი რომაელი ლუკას სკორუპსკი კი კოლაროვის დარტყმულის წინაშე უძლური აღმოჩნდა და ტაბლოზე ანგარიში 1-0 სწრაფადვე დაფიქსირდა.

სამხრეთ ტრიბუნა სიხარულის ემოციამ მოიცვა, ხოლო სტუმრების ამ საღამოს გარჯა ფუჭად გაიხარჯა. შეხვედრის 67 წუთზე დე როსის შეყვანით დი ფრანჩესკომ ანგარიშის შენარჩუნებაზე გაამახვილა ყურადღება. "ბოლონიას" იმედგაცრუება უკვე საბოლოოდ ფაციომ შეხვედრის 73-ე წუთზე გაამტკიცა და ყოფილი კოლეგის სკორუპსკის კარში ბურთიც თამამად გადაგზავნა 2-0.

მიხაილოვიჩმა სცადა კიდეც ფალჩინელის მოედანზე შეყვანით თამაშის ბედი შემოეტრიალებინა, თუმცა დარჩენილი 15 წუთი საკმარისი აღმოჩნდა მხოლოდ ერთი გოლის გატანისთვის. რომალეთა საჯარიმოში ძლიერი პრესინგით და ნიკოლა სანსონეს შესანიშვანი დრიბლინგით, რომელმაც "რომას" დაცვა უსწაფესი მოძრაობით ერთმანეთის მიყოლებით ჩამოიტოვა, ბურთიც დაუფიქრებლად გადაგზავნა ოლსენის კარში და შეხვედრის საბოლოო ანგარიში 2-1 დააფიქსირა. სამხრეთ ტრიბუნაზე შეკრებილთ გამამხნევებელი შეძახილები გუნდმა დაუფასა. მიუხედავად მიღებული ბურთისა მგლებმა მაინც შეძლეს და სასურველი სამი ქულა ტრიგორიაზე წააცუნცულეს.



მიხაილოვიჩი & დი ფრანჩესკო

ეუსებიომ ტყავის გადარჩენა და სამი ქულის მოპოვება კიდევ ერთხელ შეძლო: "პირველ ნახევარში ნამდვილად განსხვავებული გუნდი იყო. შემდეგ შევძელით გადაწყობა. ძალიან ბევრი ტაქტიკური შეცდომაც დავუშვით, თუმცა გუნდმა საუსრველ შედეგსმაინც მიაღწია. დანიელე დე როსის არყოფნა ბიჭებს მძიმე ტვირთად არ დაწოლია. მოედანზეც მაშინ შევიდა, როცა უკვე გუნდიც კარგ შედეგს აჩვენებდა."

სინიშამ კი, მიუხედავად დამაჯერებელი პირველი ნახევრისა, ვერ შეძლო გუნდის ბოლომდე მომართვა, რომ დედაქალაქი თუნდაც ერთი ქულით დაეტოვებინა. "გუდმა პირველი ნახევარი კარგად ითამაშა, თუმცა ასეთ გუნდებთან გოლის გატანაც აუცილებელია. ბოლო ორ შეხვედრაში 13 საგოლე ეპიზოდის შექმნით, თუმცა მხოლოდ ერთი გოლის გატანით გამოიკვეთა აშკარა პრობლემები. ამ საღამოს ბიჭებმა იყოჩაღეს, მათ სწრაფად გაიგეს ჩემი ჩანაფიქრი და ისიც თუ ვის წინააღმდეგ უნდა ეთამაშათ."

სალომე ხარატიშვილი რომიდან

3065
მკითხველის კომენტარები / 0 /
მსგავსი ამბები
რუბრიკის სხვა სიახლეები
;