ქართველების 'ტობოლი'  მკაცრად გააკრიტიკეს,  მწვრთნელს კი დასცინეს... 

ყაზახურმა “ტობოლმა” ევროპალიგის პირველ შეხვედრაში გასვლაზე 0:0 ითამაშა ლუქსემბურგულ “ჟენესთან”. მატჩის დასრულების შემდეგ მედიამ ვლადიმირ გაზაევის გუნდი მკაცრად გაკიცხა. ყაზახი ჟურნალისტები მიიჩნევენ, რომ “ტობოლს” ეს მატჩი ნებისმიერ შემთხვევაში უნდა მოეგო.

“ტობოლის” ამბები კი იმიტომ გვაინტერესებს, რომ ამ გუნდის ღირსებას საქართველოს ეროვნული ნაკრების ორი წამყვანი ფეხბურთელი - კაპიტანი ჯაბა კანკავა და ნიკა კვეკვესკირი იცავს. მნიშვნელოვანია ისიც, რომ გაზაევი “რუსთავის” ყოფილი მწვრთნელია...

მწვრთნელმა ლუქსემბურგში ვერმოგება შემდეგნაირად ახსნა: “ჩვენ ცოტა უკმაყოფილო ვართ საბოლოო შედეგით, რადგან მთელი შეხვედრის განმავლობაში დიდ უპირატესობას ვფლობდით. ბურთის კონტროლმა და პოზიციურმა შეტევებმა შედეგი ვერ მოიტანა. 

არადა, მომენტები გვქონდა, განსაკუთრებით - მეორე ტაიმში. ამასთან, მომეჩვენა, რომ მინდორი ჩვეულებრივზე პატარა იყო. ასეთ მინდორზე შედარებით იოლია თავის დაცვა. ეს არ უნდა დავუკარგოთ მეტოქეს, რომელიც 11 ფეხბურთელით კომპაქტურად იცავდა თავს...

ჩვენ გაგვეპარა ძალიან სახიფათო კონტრშეტევა და თავისუფლად შეიძლებოდა, წაგვეგო კიდეც, მაგრამ მაინც მიმაჩნია, რომ გამარჯვებასთან უფრო ახლოს ჩვენ ვიყავით. ამ წყვილში ჯერ გადაწყვეტილი არაფერია. მეორე შეხვედრაში ყველაფერს გავაკეთებთ, რათა ეს ბარიერი გავიაროთ...

მეტოქემ ცოტა გაგვაკვირვა ტაქტიკური თვალსაზრისით, როცა ოთხი მცველით ითამაშა. ამის მიუხედავად, მეტი მომენტი უნდა შეგვექმნა. არის გარკვეული პრეტენზიები შემტევ მოთამაშეებთან, მაგრამ მთლიანობაში ყველამ მოინდომა. ერთადერთი, რაც დაგვაკლდა, გოლი იყო”, - განაცხადა უმცროსმა გაზაევმა.
ყაზახმა ჟურნალისტებმა კი მწვრთნელის კომენტარები სასაცილოდ მიიჩნიეს, მეტადრე მინდვრის ხარისხზე აქცენტის გამო...

ყოველდღიური სპორტული გაზეთი "ლელო"
1107
მკითხველის კომენტარები / 1 /
0
ეს ყაზახი ჟურნალისტები მართლა სასცილოები არიან, რა უნახიათ და რა მოუგიათ როდესმე ყახახებს, ეს ამბიციური ბრიყვები, ჟენეს ეშ-ი რომ ჩემპიონთა ლიგაზე თამაშობდა, მაშინ ამათთვის 10ში მოხვედრა სსრკ ს პირველობაზე ოცნება იყო, მერე რა, რომ ლუქსემბურგია, ყაზახეთი როდის იყო რამე ფეხბურთში?!
მსგავსი ამბები
რუბრიკის სხვა სიახლეები
;