ევროპალიგა. ჩაკვეტაძეც პლეი ოფშია, ტაბიძეც და ყენიაც

ევროპის ლიგის მეამე საკვალიფიკაციო ეტაპზე რამდენიმე ქართველმა ითამაშა – ზოგიერთის გუნდი წარმატებით გამოვიდა და პლეი ოფში მოხვდა, ზოგიერთიც გამოვარდა.

შემდეგ ეტაპზეა ლევან ყენიას ლუქსემბურგის "დუდელანჟი", რომელმაც გასვლაზე ვარშავის "ლეგიას" 2:1 სძლია, სახლში კი 2:2 დაასრულა – ქართველი ნახევარმცველი ლუქსემბურგელთა განაცხადში იყო, მაგრამ არ უთამაშია.

გიორგი ჩაკვეტაძე კვლავ "გენტის" ძირითად შემადგენლობაში ვიხილეთ. ბელგიელებმა პოლონური "იაგელონია" გასვლითი მოგების (1:0) შემდეგ შინაც დაამარცხეს - 3:1. 18 წლის ქართველმა თამაში შეუცვლელად ჩაატარა.

შემდეგ ეტაპზე ჯიმი ტაბიძის "უფაც" – რუსულმა კლუბმა ლუქსემბურგის "პროგრეს ნიდერკორნი" სახლში 2:1 დაამარცხა, გასვლაზე კი 2:2 ითამაშა. ტაბიძემ შეხვედრა შეუცვლელად ჩაატარა.

გრაცის "შტურმი" კვიპროსულ "ლარნაკსტან" ჯერ სახლში შერცხვა (0:2), ახლა გასვლაზეც (0:5) და გამოვარდა. ოთარ კიტეიშვილი ავსტრიელთა გააცხადში არ იყო, რადგან თამაშის უფლება არ ჰქონდა.

ყველაზე მძიმე დღე გიორგი ნვალოვსკის ჰქონდა – მისმა მინსკის "დინამომ" შინ პეტერბურგის "ზენიტი" 4:0 დაამარცხა. ამჯერად კი 1:8 წააგო, ძირითადი დრო რუსებმა 4:0 მოიგეს და დამატებითი დრო დაინიშნა. ნავალოვსკი მოედანზე 72-ე წუთზე გამოჩნდა, როდესაც ანგარიში 0:3 იყო.

ვაკო გვილიას "ლუცერნმა" პირეოსის "ოლიმპიაკოსს" ვერც საბერძნეთში აჯობა და ვერც გუშინ საკუთარ არენაზე – 1:3. საქართველოს ნაკრების ნახევარმცველი ძირითად შემადგელობაში იყო და 81-ე წუთზე შეცვალეს.

საქართველოს ნაკრების მეკარე სათადარიგო იყო ლუგანსკის "ზორიაში", რომელმაც "ბრაგას" საშინაო 1:1-ის შემდგე ესტუმრა.

1958
მკითხველის კომენტარები / 0 /
მსგავსი ამბები
რუბრიკის სხვა სიახლეები
;