ქართველიშვილმა სტად ფრანსეს გაუტანა, მონპელიეში მხოლოდ აზარიაშვილი...

ირაკლი აზარიაშვილი

საფრანგეთის ჩემპიონატის დაწყებამდე ორი კვირაღა დარჩა. გუნდები საწვრთნელ მატჩებს მართავენ. ქართველ მორაგბეთა სამი გუნდი - "მონპელიე", "აჟენი" და "პროვანსი" ყოველწლიურ ტრადიციულ ტურნირში, არმან ვაკერენის თასის გათამაშებაში ჩაერთვნენ.

ზაზა ნავროზაშვილის "პროვანსი", რომელიც წლეულს ელიტურ, მეორე დივიზიონში იასპარეზებს, თანადივიზიონელ "კარკასონს" შეხვდა და 19:33 დამარცხდა.

მიხეილ ნარიაშვილის, კონსტანტინე მიქაუტაძის, ლევან ჩილაჩავას, ლუკა აზარიაშვილის, უშანგი ჭეიშვილისა და გელა აფრასიძის "მონპელიემ" გიორგი თეთრაშვილის "აჟენი" 19:14 დაამარცხა. ქართველთაგან მხოლოდ აზარიაშვილმა ითამაშა.

დავით ზირაქაშვილისა და ბექა კაკაბაძის "კლერმონმა" მოულოდნელად წააგო "ლა როშელთან" - 17:33.

ვასილ კაკოვინის, გურამ გოგიჩაშვილისა და გია ხარაიშვილის "რასინგმა" ელიტურ, პირველ დივიზიონში დაბრუნებული კარლენ ასიეშვილის, სოსო ბეკოშვილის, ოთარ გიორგაძის, თედო აბჟანდაძის, ვასილ ლობჟანიძის, ვანო კარკაძის, ირაკლი ცხადაძისა და ლუკა ჯაფარიძის "ბრივს" 10:7 მოუგო.

მერაბ შარიქაძის, გიორგი ცუცქირიძის, ჯემალ შათირიშვილის, ბექა საღინაძის, გიორგი ქართველიშვილის, გიორგი ჯავახიასა და გიორგი გოგოლაძის "ორიაკმა" შინ წააგო პირველდივიზიონელ, გიორგი მელიქიძის "სტად ფრანსესთან" - 22:24.

"ორიაკის" შემადგენლობაში ქართველიშვილმა და გოგოლაძემ ითამაშეს. ქართველიშვილმა მატჩის მიწურულს ლელოც გაიტანა.

553
მკითხველის კომენტარები / 0 /
მსგავსი ამბები
რუბრიკის სხვა სიახლეები
;