ქართველი გოგონების ორი გამარჯვება ბელარუსში

ევროპის 2018-19 წლების ჩემპიონატის ელიტრაუნდისთვის მოსამზადებელ ციკლში საქართველოს 17-წლამდელ ქალთა ნაკრებმა ბელარუსში 2 ამხანაგური შეხვედრა გამართა და ორივეში გაიმარჯვა,

პირველი სპარინგი ძირითადად ქართველი გოგონების უპირატესობით წარიმართა. განსაკუთრებით აღსანიშნავია შეხვედრის პირველი 20 წუთი. თუმცა, ქართველებმა გოლის გატანა მხოლოდ 82-ე წუთისთვის მოახერხეს - ეს მეგი ეჯიბიამ გააკეთა.

გუნდის მწვრთნელმა ლევან ბაჯელიძემ ასეთი სასტარტო შემადგენლობა დააყენა: გაბელაია, ქადაგიშვილი, გურიელიძე, რაუხი (კაპ), ეჯიბია, წულაია, დანელია, ბებია, ბოლქვაძე, მწყერაშვილი, წოწერია.

პირველისგან განსხვავებით, მეორე მატჩი ბელარუსთა უპირატესობით დაიწყო და პირველი ტაიმი მათი გამარჯვებით დასრულდა კიდეც. თუმცა შესვენების შემდეგ ქართველმა გოგონებმა ორი გოლი (ნათია წოწერია, ლიზი მწყერაშვილი) გაიტანეს და 2:1 გაიმარჯვეს.

ბაჯელიძემ სასტარტო შემადგენლობა არ შეცვალა: გაბელაია, ქადაგიშვილი, გურიელიძე, რაუხი, ეჯიბია, წულაია, დანელია (46. აკობიძე), ბებია, ბოლქვაძე (82. გოცირიძე), მწყერაშვილი (85. ცაავა), წოწერია (88. რომანჩუკი).

13 და 15 მარტს ბაჯელიძის გუნდი კიდევ ორ ამხანაგურ მატჩს გამართავს და ამჯერად თბილისში (თენგიზ სულაქველიძის სახელობის აკადემია) აზერბაიჯანელ თანატოლებს უმასპინძლებს.

686
მკითხველის კომენტარები / 0 /
მსგავსი ამბები
რუბრიკის სხვა სიახლეები
;