ქართველი მსაჯები 2019-2020 წლების 'ჩელენჯ კაპზე' სამ მატჩს განსჯიან

ქართველი მსაჯები 2019-2020 წლების „ჩელენჯ კაპის“ პირველ ორ ტურში, ფრანგული და ინგლისური კლუბების დაპირისპირებებს განსჯიან.

ქართულ ბრიგადაში მთავარი მსაჯი ნიკა ამაშუკელი იქნება. მას კიდეებიდან საბა აბულაშვილი და შოთა თევზაძე დაეხმარებიან. 

ევროთასების პირველ ტურში, რომელიც 16 ნოემბერს გაიმართება, ინგლისური „ლესტერ ტაიგერსი“ ფრანგულ „პოს“ უმასპინძლებს. ამ შეხვედრას, სწორედ ქართველ მსაჯთა ბრიგადა განსჯის. ერთი კვირის თავზე, ასევე ინგლისში, ზურაბ ჟვანიას „ვოსფსი“ ანტონ ფეიქრიშვილისა და გიორგი თეთრაშვილის „აჟენს“ უმასპინძლებს. 

უკვე გადაწყვეტილია, რომ ნიკა ამაშუკელი „ჩელენჯ კაპის“ მესამე ტურში, 6 დეკემბერს, კრასნოდარში, კრასნოიარსკის „ენისეისა“ და ფრანგული „კასტრის“ შეხვედრას მოემსახურება. ასისტენტების ვინაობა მოგვიანებით გაირკვევა. 

ყოველდღიური სპორტული გაზეთი "ლელო"
320
მკითხველის კომენტარები / 0 /
მსგავსი ამბები
რუბრიკის სხვა სიახლეები
;