ქართველი სამბისტების 9-მედლიანი ნადავლი

9 მედლიანი ნადავლით დაასრულეს ქართველმა სამბისტებმა მინსკში გამართული "პრეზიდენტის თასი". "ა" კატეგორიის ეს შეჯიბრება 16-17 თებერვალს ბელარუსის დედაქალაქში XXII ჩატარდა.

ჩვენი ნაკრები მინსკის არენაზე 9 სპორტსმენით გახლდათ წარმოდგენილი და ყველა მათგანმა შეძლო მედლის დასაკუთრება. 7 მედალი ვაჟთა, 2 კი გოგონების ანგარიშზეა.

შეჯიბრების გამარჯვებულები გახდნენ პაატა ღვინიაშვილი (90 კგ) და დავით ლორიაშვილი (100), მხოლოდ ფინალური შეხვედრა დათმო და შესაბამისად ვერცხლის მედალს დასჯერდა ელენე ქებაძე (+80).

ბრინჯაოს მედლები კი დაისაკუთრეს – ნინო ოძელაშვილმა (80), გივი ნადარეიშვილმა (57), გენადი ჩირგაძემ (62), მინდია ლილუაშვილმა (68), ლევან ნახუცრიშვილმა (82) და ბექა ბერძენიშვილმა (+100).

ტურნირზე 21 ქვეყნის 200-მდე სპორტსმენი მონაწილეობდა. იმის გარდა რომ ეს შეჯიბრება "ა" კატეგორიისა და პრესტიჟულია, ამჯერად მნიშვნელოვანი იმითაც გახლდათ, რომ სწორედ ამ ტურნირიდან დაიწყება სამბისტებისთვის სარეიტინგო ქულების დარიცხვა 2019 წელს გასამართ ევროპის თამაშებზე მონაწილეობის მისაღებად.

ამასთან, ქართველი სამბისტებისთვის ბელარუსში გამართული "პრეზიდენტის თასი" ერთ-ერთი მოსამზადებელი ეტაპია ევროპის ჩემპიონატის წინ. შეგახსენებთ, რომ კონტინენტის ჩემპიონატი სამბოში 18-20 მაისს ათენში (საბერძნეთი) გაიმართება.

3288
მკითხველის კომენტარები / 0 /
მსგავსი ამბები
რუბრიკის სხვა სიახლეები
;