ქართველმა ფეხბურთელმა საფრანგეთის მთავარ ლიგაში ითამაშა. ვინ არის გიორგი მიქაუტაძე?

საფრანგეთის მთავარი ლიგის (ლიგა 1) XVII ტურში "ნიცამ" "მეცი" 4:1 დაამარცხა. ამ შეხვედრაში ჩვენთვის საინტერესო ბევრი არაფერი იქნებოდა, რომ არა ერთი მნიშვნელოვანი ფაქტი: 83-ე წუთზე "მეცის" შემადგენლობაში შეცვლაზე გიორგი მიქაუტაძე გამოჩნდა.

როგორც ფრანგული წყაროებიდან დავადგინეთ, მიქაუტაძე (სიმაღლე 176 სმ) 2000 წლის 31 ოქტომბერს დაიბადა, 19 წლისაა, საფრანგეთის პასპორტი აქვს და, ამპლუით კი თავდამსხმელია. როგორც ჩანს, უცნობი ქართველი ფეხბურთელი დიდი ხანია, საფრანგეთში იზრდება.

მიქაუტაძე რანგით მეოთხე ლიგის კლუბ ნასიონალ 2-ის "სან პრიესტში" თამაშობდა. "მეცში" 2017 წლის 6 ივლისს ჩაირიცხა და თავიდან დუბლშემადგენლობაში გამოდიოდა. "ნიცას" წინაააღმდეგ კი "მეცის" მთავარი გუნდის ფორმით სადებიუტო მატჩი ჩაატარა.

3865
მკითხველის კომენტარები / 1 /
Natia
0
წარმატეტბები ჩვენო სიამაყე❤️❤️❤️
მსგავსი ამბები
რუბრიკის სხვა სიახლეები
;