ქართული დერბი რუსეთში და ზარანდიას საგოლე პასი

აზიის ჩემპიონთა ლიგაზე კახა მახარაძის ტაშკენტის "ლოკომოტივი" საშინაო შეხვედრაში 1:2 დამარცხდა ყატარულ "ალ დუჰაილთან". ქართველმა საყრდენმა მინდორზე 90 წუთი გაატარა და ყვითელი ბარათი მიიღო.

"ზობ აჰანმა" საგარეო ჯახი დათმო საამიროების წარმომადგენელ "ალ ვაჰდასთან" – 0:3, გიორგი გველესიანმა მინდორზე 90 წუთი გაატარა. ქართველების კლუბები ჯგუფში ერთად არიან. ამ დროისათვის "ლოკომოტივი" მეორეა, "ზობ აჰანი" კი – მესამე.

ქართული დერბი შედგა რუსულ პრემიერლიგაში. მოსკოვის "ლოკომოტივმა" გასვლაზე 2:0 მოუგო "ურალს" და ჩემპიონობისაკენ მორიგი ნაბიჯი გადადგა.

"რკინიგზელთა" რიგებში 90 წუთი ითამაშა საბა კვირკველიამ. რაც შეეხება გიორგი ჭანტურიას, ის "ურალის" შემადგენლობაში თამაშის დასრულებამდე ნახევარი საათით ადრე გამოჩნდა და მანაც მიიღო გაფრთხილება.

პოლონეთის ჩემპიონატში "არკამ" 4:0 მოუგო "ტერმალიცას". გამარჯვრბულთა რიგებში 80 წუთი ითამაშა და საგოლე პასი მიითვალა ლუკა ზარანდიამ. წაგებულთა შორის კი არ გამოჩენილა ნიკა კვანტალიანი.

890
მკითხველის კომენტარები / 0 /
მსგავსი ამბები
რუბრიკის სხვა სიახლეები