ქართული ლეგიონის ძირითადი ნაწილისთვის სეზონი დასრულდა

ქართული ლეგიონის ძირითადი ნაწილისთვის სეზონი დასრულდა. ამის შემდეგ მხოლოდ ისინი ითამაშებენ, რომლებიც საქართველოს ჩემპიონატის დარად, გაზაფხული-შემოდგომის სისტემით თამაშობენ. 

დანია
სუპერლიგა. ევროპალიგის საგზურის პლეი ოფის ფინალში საბა ლობჟანიძის “რანდერსი” “ბრონდბიუს” 2:0-ს უგებდა, მაგრამ შემდეგ 4 უპასუხო გოლი გაუშვა - 2:4. ლობჟანიძემ, რომელიც სუპერლიგის მაისის საუკეთესო მოთამაშედ დაასახელეს, შეუცვლელად ითამაშა და სეზონი 8 გოლითა და 3 საგოლე პასით დაასრულა. 

ავსტრია
ერსტე ლიგა. ლევან ელოშვილის (62-ე წუთზე შეცვალეს, გააფრთხილეს) “კაპფენბერგი” სტუმრად “ამსტეტენთან” დამარცხდა - 0:3. ქართველის გუნდმა ჩემპიონატი მე-4 ადგილზე დაასრულა.

შვედეთი
ოლსვენსკანი. გიორგი ხარაიშვილის (90 წუთი) “გიოტებორგი” მოულოდნელად, შინ “ორებროსთან” დამარცხდა - 0:1. 

ფინეთი
იკონენი. გიორგი ოსიტაშვილის (არ უთამაშია) ტპვ შინ “კაიაანის” დაუზავდა - 1:1. 

რუსეთი
პრემიერ-ლიგა. პლეი დაუნში ჯიმი ტაბიძის (არ უთამაშია) “უფა” სტუმრად “ტომსკთან” 0:1 დამარცხდა, თუმცა სტუმრად გატანილი გოლის წყალობით, ელიტაში ადგილი შეინარჩუნა. არც ჯანო ანანიძეს უთამაშია “კრილია სოვეტოვის” შემადგენლობაში “ნიჟნი ნოვგოროდთან” დაპირისპირებაში.

ბელარუსი
ვისშაია ლიგა. აკაკი ხუბუტიას (90 წუთი) “ვიტებსკი” შინ 1:3 დამარცხდა მინსკის “დინამოსთან”.
გიორგი ქანთარიას (არ უთამაშია) “ნემანი” შინ “სლავიასთან” 0:1 დამარცხდა.

ლიტვა
A ლიგა. ლევან მაჭარაშვილის (90 წუთი) “შტუმბრასი” სტუმრად “ჟალგირისთან” დამარცხდა - 1:2. 

ლატვია
ვირშლიგა. ირაკლი ბიძინაშვილისა (77-ე წუთზე გამოცვალეს) და გურამ ლუკავას (არ უთამაშია) “იელგავა” სტუმრად “მეტასთან” 1:2 დამარცხდა და ბოლო ადგილზე გადავიდა. მათე ვაწაძის (არ უთამაშია) “ლიეპაია” სტუმრად “დაუგავპილსთან” დამარცხდა - 0:1. დედაქალაქის დერბიში “რიგამ” “რიგასს” 2:0 მოუგო. დავით სხირტლაძე გამარჯვებულთა განაცხადში არ ყოფილა, წაგებულთა რიგებში მხოლოდ სათადარიგო იყო ბექა ვაჩიბერაძე. გუნდები 28-28 ქულით ლიდერობენ.

ყაზახეთი
პრემიერ ლიგა. მე-13 ტურში ქართველთა “თარაზი” სტუმრად “ატირაუს” დაუზავდა - 1:1. ელგუჯა ლობჯანიძემ 66-ე წუთზე პენალტით გახსნა ანგარიში, მან შეუცვლელად ითამაშა. ეს ქართველი ფორვარდის მე-5 გოლია. ლაშა კასრაძე “თარაზის” რიგებში არ გამოჩენილა. კახა ცხადაძის “ორდაბასიმ” შინ 3:0 მოუგო “ოკჟეტპესს”. ქართველი სპეციალისტის გუნდი 26 ქულით მე-3 ადგილზეა. ქართველთა “ტობოლმა” შინ 2:0 მოუგო “შახტიორს”. ნიკა კვეკვესკირმა შეუცვლელად ითამაშა, ჯაბა კანკავას არ უთამაშია. “ტობოლი” 29 ქულით მე-2 ადგილზეა.

აშშ
MLS. ქართველთა “სან ხოსე” სტუმრად “დი სი იუნაიტედს” დაუზავდა - 1:1. ვაკო ყაზაიშვილმა შეუცვლელად ითამაშა (გააფრთხილეს), ხოლო გურამ კაშია სათადარიგო იყო. “სან ხოსე” დასავლეთ კონფერენციაში მე-8 ადგილზეა. 

ყოველდღიური სპორტული გაზეთი "ლელო"
699
მკითხველის კომენტარები / 0 /
მსგავსი ამბები
რუბრიკის სხვა სიახლეები
;