ქვილითაია რუსეთზე არ ფიქრობს

ინტერნეტგამოცემა spox.com-ის ინფორმაცია, თითქოს, გიორგი ქვილითაია ვენის "რაპიდს" დატოვებს და ერთ-ერთ რუსულ კლუბში გადავა, თავად ფეხბურთელმა უარყო.

"კლუბმა შეიძინა პავლოვიჩი "კოპენჰაგენიდან". ამის გამო, გავრცელდა ინფორმაცია, თითქოს "რაპიდის" ორი თავდამსხმელიდან ერთ-ერთი გუნდს დატოვებდა და, სავარაუდოდ, ეს მე ვიქნებოდი.

მაგრამ ავსტრიიდან ჩემს წასვლასა და რუსეთში გადასვლაზე გავრცელებული ინფორმაცია რეალობას არ შეესაბამება. პავლოვიჩის ტრანსფერი ჩემს წასვლას არ ნიშნავს და თუ ვინმე წავა, ალბათ, ეს იქნება ბრაზილიელი ჟოელინტონი.

"რაპიდი" შეტევაში მხოლოდ ჩემს იმედად არ იქნებოდა, რადგან ეს ამბიციური კლუბია და ევროპალიგის საკვალიფიკაციო ეტაპის თამაშები ელის წინ", - განმარტავს ქვილითაია.

საქართველოს ნაკრების 24 წლის ფორვარდმა კომენტარი რუსული კლუბების დაინტერესებაზეც გააკეთა: "ინტერესი ნამდვილად არის და ამის თაობაზე "რაპიდის" ერთ-ერთ ხელმძღვანელს რუსული კლუბიდან დაუკავშირდნენ კიდეც.

მან თავადაც თქვა, რომ რუსებს ჩემი გადაყვანა სურდათ. ეტყობა, მედიაში ინფორმაცია აქედან გაჟღერდა. თუმცა მე "რაპიდში" დარჩენა მსურს და რუსეთში ტრანსფერზე არ ვფიქრობ".

ყოველდღიური სპორტული გაზეთი "ლელო"
915
მკითხველის კომენტარები / 1 /
კიკა
0
ჟოელიტონი მიდის ჰოფენჰაიმშიიიიიი!
მსგავსი ამბები
რუბრიკის სხვა სიახლეები
;