ქვიშის ჭიდაობა. 3 ოქრო და 1 ბრინჯაო ზაგრებიდან

8 სექტემბერს ხორვატიის მთავარმა ქალაქმა ზაგრებმა ქვიშის ჭიდაობაში მსოფლიოს სერიის ფინალურ ეტაპს უმასპინძლა.

მსოფლიოს სერიის წინა ტურნირების მსგავსად, ჯემალ კილაძის გაწვრთნილი საქართველოს ნაკრები ამჯერადაც დიდი წარმატებით გამოვიდა და ოთხივე წონაში მედალი მოიპოვა - 3 ოქრო და 1 ბრინჯაო.

ტურნირის ჩემპიონები ლევან ქელეხსაშვილი (70), დავით ხუციშვილი (80) და დავით მარსაგიშვილი (90) გახდნენ, მესამეზე კი მამუკა კორძაია (+90) გავიდა. ბუნებრივია, გუნდურ ჩათვლაშიც ჩვენმა ნაკრებმა გაიმარჯვა 90 ქულით. 

ქელეხსაშვილმა ფინალურ შეხვედრაში 4:2 დაამარცხა ჭიდაობის ამ სახეობაში 2017 წლის მსოფლიოს ჩემპიონი, უკრაინელი სემენ რადულოვი, მანამდე ქელეხსაშვილმა კიდევ ერთი უკრაინელი - ანდრეი იაშჩენკო, სერბი მილან დუკანოვიჩი და ამერიკელი მიხაელ პეტერსი ერთნაირი ანგარიშით, 3:0 დაამარცხა.

ხუციშვილმა ზაგრებში ორი პაექრობა გამართა და ორივე წმინდად მოიგო - სერბ ალექსანდრ ნიკოლიჩთან და სლოვენიელ ტიმოთეი ტრბულინთან. 

მარსაგიშვილმა თავიდან ბერძენი ხრისტოს სამარძიდისი 3:1 დაამარცხა, მერე საკმაოდ თვალსასეირო პაექრობაში 5:1 სძლია ხორვატ დომენიკ ანდრეიჩს, ვინც ბოლოს კარგი 3-ქულიანი გდებით წმინდად დაამარცხა, ხოლო დასკვნით პაექრობაში სერბი სტრაჰინია დერმანოვიჩი 3:0 დაჯაბნა. 

მეოთხე წონაში - მძიმეში სომხური გვარის მქონე აზერბაიჯანელმა, ოიან ნაზარიანმა გაიმარჯვა. კორძაია მასთან ნახევარფინალში 0:1 დამარცხდა, თუმცა ჩვენმა ფალავანმა მანამდეც წააგო ერთი პაექრობა - პირველივე წრეშ ბერძენ იოანის კარგიოტაკისთან ასევე 0:1 დათმო. თავის მხრივ, არ გამოუცხადდა ხორვატი ივან მატეკოვიჩი და 3:0 მოუგო სერბ საბოიჩ ჰორვატს. 

ყოველდღიური სპორტული გაზეთი "ლელო"
374
მკითხველის კომენტარები / 0 /
მსგავსი ამბები
რუბრიკის სხვა სიახლეები
;