ქობულეთელებს გიორგი ჭელიძე გაწვრთნის

ეროვნულ ლიგა 2-ში დაქვეითებულ ქობულეთის "შუქურაში" საკადრო ცვლილებები დაიწყო. მთავარი მწვრთნელი გიორგი შაშიაშვილი გორის "დილაში" გადავიდა, სადაც გიორგი დარასელიას ასიტენტი გახდა.

ქობულეთელთა დირექტორის, რევაზ ჩელებაძის თქმით, გუნდს ახალი მთავარი მწვრთნელი ჰყავს.

"შაშიაშვილის ნაცვლად გიორგი ჭელიძე მოვიწვიეთ. ახალგაზრდა და პროგრესული მწვრთნელია, უმუშავია "საბურთალოს" 19-წლამდელთა გუნდში და ქვეყნის ჩემპიონი გახადა. შემდეგ კი "შევარდენსა" და ტყიბულის "მეშახტეს" წვრთნიდა. მჯერა, რომ მისი ახალგაზრდული ენერგია და ახლლებური მიდგომები ჩვენს გუნდს წაადგება" – ამბობს ჩელებაძე.

გიორგი ჭელიძე უკვე გუნდში მუშაობს, მეკარეების მწვრთნელად კი გია ჭანტურია მიიწვია, რომელიც საქართველოს ნაკრების მეკარე იყო, კარიერის შემდეგ კი ამ პროფილით საქართველოში ერთ-ერთი გამორჩეული სპეციალისტია.

1693
მკითხველის კომენტარები / 0 /
მსგავსი ამბები
რუბრიკის სხვა სიახლეები
;