ქორქია-საკანდელიძის მემორიალი: ფინალში 'თსუ' და 'დელტა' შეხვდებიან

კაკტუსი-ოლიმპი 85:71
18:27, 26:10, 20:11, 21:23
კაკტუსი: სპენსერი (19ქ), ზაქრაძე (15ქ), სპარლოკი (11ქ), ნუცუბიძე (2ქ), ელიოტი (10ქ), ნილი (3ქ, 7მ), ბოისა (11ქ, 6მ), ამინაშვილი (12ქ, 6მ), ქვარცხავა (2ქ)
ოლიმპი: ბენეტი (10ქ), ნიკოლაიშვილი (9ქ), პულუზაშვილი (4ქ), დარბაიძე (6ქ), ბეიკერი (26ქ), მაზიაშვილი, როგავა (6ქ), ტილმანი (5ქ,7მ), გიორგაძე, მიქელაძე (5ქ)

დინამო (თბ)-მგზავრები 84:61
15:11, 30:20, 21:19,18:11
დინამო: დოუელი (20ქ,9პ), ჟღენტი (4ქ), გრძელიძე (3ქ, 6მ), ბუბალო (16ქ, 6მ), ჭოჭუა, ბიგანაშვილი (10ქ), მირზიაშვილი (4ქ), სვოპშირი (21ქ), თავაქარაშვილი (6ქ)
მგზავრები: უილიამსი (9ქ), დ.ქავთარაძე (10ქ), ჩაჩანიძე (12ქ), ბეშქენაძე (11ქ, 11მ), გოგნაძე (8ქ, 8მ), გოგია, გ. ქავთარაძე (6ქ), ყეინაშვილი (5ქ), ბ. ქავთარაძე

ბათუმი-დელტა 93:94
28:19, 15:26, 20:22, 19:15, 11:12
ბათუმი: შეპარდი (39ქ,8მ,7პ), იეფტიჩი (15ქ), ლომინაშვილი (2ქ), გოგოძე (7ქ), ანდრეიევიჩი (16ქ,8მ), თენიეშვილი (7ქ), ელიაძე (7ქ)
დელტა: ბაქრაძე (8ქ), მაჩალაძე (6ქ) დრამთაიმი (16ქ), ლობჯანიძე (9ქ), ბექაური (17ქ, 10მ), ფხაკაძე (15ქ, 10პ), ჩაჩხიანი,მეგენეიშვილი (9ქ, 8მ), გაფრინდაშვილი (9ქ, 6მ), შვეცი (5ქ)

თსუ ჰიუნდაი-ქუთაისი 91:80
12:23, 31:17, 18:21, 30:19
თსუ ჰიუნდაი: სანდერსი (13ქ, 8პ), ფიფია, ფევაძე (6ქ, 8მ), მილიკენი (23ქ), პეტრიჩი (13ქ), სანაძე (3ქ), კორსანტია (16ქ, 11მ), ნიკერსონი (12ქ, 7მ), ტომარაძე (5ქ)
ქუთაისი: ლი (8ქ, 6ქ), ტომპსონი (6ქ, 8მ), რაითი (18ქ, 8მ), ბარბაქაძე (6ქ), დვალიშვილი (6ქ, 6მ), ლომიძე (11ქ), ბუსი (6ქ), ლომოური (13ქ), ფაცაცია (6ქ)

ზურაბ საკანდელიძისა და მიხეილ ქორქიას მემორიალზე დასრულდა ჯგუფური ეტაპის შეხვედრები და გამოვლინდნენ ფინალისტები. 7 თებერვალს ფინალში ერთმანეთს “დელტა” და “თსუ ჰიუნდაი” შეხვდებიან, რომლებმაც თავიანთ ჯგუფებში ყველა მატჩი მოიგეს.

დავიწყოთ “ა” ჯგუფის მთავარი მატჩით, სადაც დელტამ უაღრესად დაძაბულ შეხვედრაში შეძლო “ბათუმის” დამარცხება. აღნიშნულ შეხვედრაში გამარჯვებულის გამოსავლენად ოვერტაიმი გახდა საჭირო. ქულა-ქულაში მიმდინარე შეხვედრაში ძირითადი დროის ბოლო წამებზე “დელტა” 2 ქულით იგებდა, მაგრამ კეისი შეპარდმა მატჩის დასრულებამდე 4 წამით ადრე ჩააგდო 2-ქულიანი და თამაში ოვერტაიმში გადაიყვანა.

დამატებითი დროც ქულა-ქულაში წარიმართა. ბექა ბექაურისა და არტიომ შვეცის ქულების წყალობით მატჩის დასრულებამდე 1:07 წუთით ადრე “დელტა” 4 ქულით დაწინაურდა, თუმცა კეისი შეპარდმა სამქულიანით “ბათუმს” კვლავ დაუბრუნა შანსი. მატჩის დასრულებამდე 50 წამი იყო დარჩენილი, თუმცა საბოლოოდ შეხვედრა “დელტას” რთული გამარჯვებით 94:93 დასრულდა.

ლექსო ლაფანაშვილის გუნდმა მესამე შეხვედრაც მოიგო და ფინალში გავიდა. “დელტას” კვლავ ბექა ბექაურმა ულიდერა, რომელმაც 17 ქულითა და 10 მოხსნით ორმაგი დუბლი შეასრულა. 15 ქულითა და 10 ასისტით ორმაგი დუბლი მიითვალა ოთო ფხაკაძემაც. მატჩის ყველაზე შედეგიანი კალათბურთელი კი 39 ქულით ბათუმელი კეისი შეპარდი გახდა. 16 ქულა აიღო სტეპან ანრეიევიჩმა.

“ბ” ჯგუფის მთავარ დაპირისპირებაში “თსუ ჰიუნდაიმ” ბევრისათვის მოულოდნელად ტურნირის მასპინძელი “ქუთაისი” 91:80 დაამარცხა და ტიტულისთვის ბრძოლას აგრძელებს.

არადა, კოტე ტუღუშის გუნდმა თამაში აქტიურად დაიწყო და 12-ქულიან უპირატესობას მიაღწია 20:8, მაგრამ მეორე პერიოდში შეცდომებს უხშირა, რითაც კარგად ისარგებლა თსუ-მ. ქუთაისელებს უჭირდათ გოლიათური აღნაგობის ცენტრის რატკო პეტრიჩის შეჩერება და მის წინააღმდეგ ხშირად ჯარიმდებოდნენ. “სტუდენტები” სხვაობის შემცირებას არ დასჯერდნენ და ტაიმის ბოლოს წინაც გავიდნენ.

სანდერსის, მილიკენისა და ნიკერსონის კარგი თამაშის წყალობით პირველი ტაიმი თსუ-მ 43:40 მოიგო.

თამაშის განახლებისთანავე კოტე ტუღუშის გუნდი მდგომარეობის გამოსწორებას შეუდგა, ჯონათან ლის, დეჟან რაითის, აკაკი ლომოურისა და ბუსის ქულებით მასპინძლები 8 ქულით დაწინაურდნენ - 51:43. მაგრამ ინიციატივა ისევ დათმეს. თამაში გარდამავალი უპირატესობით გაგრძელდა და ბოლო პერიოდის დაწყებამდე საყაიმო ანგარიში 61:61 დაფიქსირდა. გადამწყვეტი მეოთხედი თბილისელებმა უკეთ ჩაატარეს. მატჩის დასრულებამდე 1:44 წუთით ადრე თსუ წინ 7 ქულით გაიჭრა და უპირატესობა ხელიდან აღარ გაუშვა - 91:80

“თსუ ჰიუნდაის” 23 ქულით ჯეიმს მილიკენი გაუძღვა. შესანიშნავად ითამაშა გიორგი კორსანტიამ, რომელმაც 16 ქულითა და 11 მოხსნით ორმაგი დუბლი შეასრულა. განსაკუთრებით, გულშემატკივრებს ბოლო წამებზე მისი ეფექტური სლემ დანქი დაამახსოვრდებოდათ. ქუთაისელთა რიგებში 18 ქულით საუკეთესო მაჩვენებელი დეჟან რაითს ჰქონდა. 13 ქულა მიითვალა აკაკი ლომოურმა.

თბილისის “დინამოს”, “დელტასთან” მარცხის მიუხედავად, ფინალში გასვლის თეორიული შანსი რჩებოდა და “მგზავრებთან” მოსაგებად ყველაფერი გააკეთა. ირაკლი ხოშტარიას გუნდი, საწყის წუთებს თუ არ ჩავთვლით, მთელი მატჩის განმავლობაში ფლობდა უპირატესობას. “დინამო” პირველი ტაიმის შემდეგ შეხვედრას 14 ქულით იგებდა 45:31. მომდევნო მეოთხედებში უპირატესობა გაზარდა და საბოლოოდ, 23 ქულის სხვაობით გაიმარჯვა.

დინამოელთა რიგებში საუკეთესო მექულე ჯორდან სვოპშირი იყო, რომელმაც საკუთარ გუნდს 21 ქულით დაეხმარა. 20 ქულა და 9 მოხსნა დააგროვა რეჯერ დოუელმა.

“კაკტუსსა” და “ოლიმპს” ფინალში გასვლის შანსი დაკარგული ჰქონდათ. გუნდების ერთადერთი მოტივაცია ის იყო, რომ ჯგუფში ბოლო ადგილი არ დაეკავებინათ. პირველი პერიოდის ჩაგდების მიუხედავად, შეხვედრა “კაკტუსის” გამარჯვებით დასრულდა.

მან 9-ქულიანი ჩამორჩენა მეორე მეოთხედში აღმოფხვრა, დიდი შესვენების შემდეგ კი 16 ქულით გავიდა წინ და მატჩის ბედიც გადაწყვიტა. “კაკტუსს” 19 ქულით დელანო სპენსერმა ულიდერა. 15 ქულით გამოირჩა ლუკა ზაქრაძე.

ყოველდღიური სპორტული გაზეთი "ლელო"
623
მკითხველის კომენტარები / 0 /
მსგავსი ამბები
რუბრიკის სხვა სიახლეები
;