ღვინიაშვილმა ევროპის ჩემპიონატი ეფექტურად დაიწყო

ბექა ღვინიაშვილმა (90) ევროპის ჩემპიონატზე თავისი პირველი შეხვედრა ბრიტანელ ჯამალ პეტრგრავესთან ქრესტომათიული ბრუნით მოიგო: დასრულებამდე 1.10 წუთით ადრე მაღალი ტრაექტორიით ისეთი დააწყვიტა, თელ ავივის ტატამი სასწრაფოდ შველას ითხოვს!

ჩვენებურმა აქტიურად დაიწყო შეხვედრა, თუმცა რჩებოდა შთაბეჭდილება, რომ ცოტა ძალებს იზოგავდა. მეტოქეს გაფრთხილებაც სწრაფად მიაღებინა და მერე კონტრილეთზე ვაზარიც აუღო, რომელიც მსაჯებმა რატომღაც ძალიან გვიან დააფიქსირეს - უკვე სხვა ეპიზოდი მიმდინარეობდა, როცა შეხვედრა გააჩერეს და ვიდეოგამეორების შემდეგ ვაზარი ქართველს მისცეს.

იმ ეპიზოდში ღვინიაშვილმა კინაღამ შებოჭვაზეც დაიჭირა მეტოქე, თუმცა ბრიტანელი დაუძვრა, მაგრამ თურმე მხოლოდ იმისთვის, რომ უფრო საშინლად წაეგო.

მერვედფინალში ღვინიაშვილის მეტოქე ჩეხი იური პეტრი იქნება.

1224
მკითხველის კომენტარები / 0 /
მსგავსი ამბები
რუბრიკის სხვა სიახლეები
;