ყაზახთა მწვრთნელმა შეცდომა აღიარა

ყაზახეთის ეროვნული ნაკრების მთავარმა მწვრთნელმა სტანიმირ სტოილოვმა ადგილობრივ მედიასთან საუბარში საქართველოსა და ანდორასთან მატჩები შეაფასა. მისი თქმით, უმჯობესი იქნებოდა, საქართველოსთან შეხვედრაში ყაზახებს "მეორე ნომრად" ეთამაშათ.

"პირდაპირ უნდა ითქვას, რომ შედეგის თვალსაზრისით არ გამართლდა ის მოლოდინი, რომელიც ამ მატჩებისგან გვქონდა. ჩვენ დინამიკური და ემოციებით სავსე თამაში გვქონდა საქართველოს ნაკრებთან. ეტყობოდა, რომ ძალიან დიდ უპირატესობას მიიღებდა ის გუნდი, რომელიც გაიტანდა პირველ გოლს და ასეც მოხდა...

ჩვენი ფეხბურთელების თამაშში აშკარად შეიმჩნეოდა ნერვული დაძაბულობა. მათ ძალიან უნდოდათ, შინ გახარებული გაეშვათ ის მაყურებელი, რომელიც მრავლად მოვიდა მათ საქომაგოდ...

მე და ჩემს ასისტენტებს მეტი ყურადღება უნდა მიგვექცია იმისთვის, რომ ჩვენს ფეხბურთელებს აკლიათ სათამაშო პრაქტიკა. ამ დროს კი საქართველოსთან მიზნად დავისახეთ "პირველ ნომრად" თამაში. ასე რომ ითამაშო, აუცილებელია, სულ დინამიკასა და მოძრაობაში იყო. შეიძლებოდა, ჩვენთვის უკეთესო შედეგი დამდგარიყო, უფრო დაცვიდან, "მეორე ნომრად" რომ გვეთამაშა...

სიმართლე უნდა ითქვას, ჩვენს ჯგუფში ლიდერის პოზიციაზე დამკვიდრება იქნება ძალიან რთული. ამის მიუხედავად, თითოეულ შეხვედრაში ბოლომდე ვიბრძოლებთ. მჯერა, ნაკრების მოთამაშეები ბოლომდე შეიგრძნობენ ამ თამაშების მნიშვნელობას. უნდა დაველოდოთ, როდის დაუცდება ფეხი საქართველოს ნაკრებს, იქნებ მათ ქულები დაკარგონ", - იმედი აქვს ყაზახთა ბულგარელ დამრიგებელს.

1424
მკითხველის კომენტარები / 1 /
რაჭველი
0
მელა მთელი დღე უკან დასდევდა ბუღას.ტურას შეკითხვაზე თუ რატომ აკეთებდა ამას უპასუხა–ნახე
კვერცხები რა წვრილად აქვს ჩამოკიდებული იქნებ
ჩამოწყდეს ძალიან მშიაო,ასე მოზდის ყაზახების თავკაცს
მსგავსი ამბები
რუბრიკის სხვა სიახლეები
;