ყატარი 2022 შეიძლება არ შედგეს? ფიფა მომავალი მუნდიალის მასპინძლის შეცვლაზე მუშაობს

ბოლო დროს განვითარებული მოვლენების კვალდაკვალ ვრცელდება ინფორმაცია, რომ 2022 წლის მუნდიალი ყატარში შეიძლება არ ჩატარდეს. ამ ქვეყანამ მსოფლიოს ჩემპიონატის მასპინძლობის უფლება ჯერ კიდევ 2010 წლის დეკემბერში მოიპოვა, მაგრამ ყველამ ვიცით, რა ამბებიც მოჰყვა ამას.

ყატარს ამ უფლების ყიდვას აბრალებენ, ისევე, როგორც რუსეთს, რომელმაც 2018 წლის მუნდიალის მასპინძლობას ყატართან ერთად მიაღწია და დიდი ეჭვია, რომ ეს იყო კორუფციის ნაწილი, კორუფციისა, რომელშიც ფიფას მაღალჩინოსნები მონაწილეობდნენ...

რამდენიმე დღის წინ დააკავეს მიშელ პლატინი, უეფას ყოფილი პრეზიდენტი, რომელსაც კითხვები ყატართან დაკავშირებითაც დაუსვეს. გარდა ამისა, ევროპელები სასტიკი წინააღმდეგნი არიან მუნდიალის ზამთარში (როგორც ეს უკვე დაგეგმილია კლიმატური პირობების გამო) ჩატარების...

როგორც ამბობენ, ფიფა მუშაობას იმაზე, რომ მსოფლიოს ჩემპიონატი ყატარში არ ჩატარდეს და მას სხვა ქვეყანამ (ან ქვეყნებმა) უმასპინძლონ. ალტერნატიულ ვარიანტებად განიხილებიან აშშ, სამხ. კორეა, იაპონია და ავსტრალია, რომლებიც თავის დროზე ყატარის კონკურენტები იყვნენ.

ყოველდღიური სპორტული გაზეთი "ლელო"
1549
მკითხველის კომენტარები / 0 /
მსგავსი ამბები
რუბრიკის სხვა სიახლეები
;