[ყველა VIDEO] ჩემპიონთა ლიგა. როცა მერტენსი მარადონაზე მეტია. მესის მორიგი რეკორდი, ლივერპულის 200 და SUPER ჰაალანდი

E ჯგუფი
ზალცბურგი-ნაპოლი   2:3
გოლები:  0:1 მერტენსი (17), 1:1 ჰაალანდი (40), 1:2 მერტენსი (64), 2:2 ჰაალანდი (72), 2:3 ინსინიე (73)
ზალცბურგი (4-2-2-2): სტანკოვიჩი (33. კარლოსი) - კრისტენსენი, ანდრე რამალიო, ვობერი, ულმერი - მვეპუ (89. კოიტა), იუნუზოვიჩი - დაკა (68. აშიმერუ), მინამინო - ჰაალანდი, ჰვანგი.
ნაპოლი (4-4-2): მერეტი - მალკუიტი, კულიბალი, ლუპერტო, დი ლორენცო - კალიეხონი (80. ელმასი), ალანი, რუისი, ზელინსკი - მერტენსი (76. ლორენტე), ლოსანო (65. ინსინიე).

გენკი-ლივერპული  1:4
გოლები: 0:1 ოქსლეიდ-ჩემბერლენი (2), 0:2 ოქსლეიდ-ჩემბერლენი (57), 0:3 მანე (77), 0:4 სალაჰი (87), 1:4 ოდეი (88)
გენკი (4-4-1-1): კუკე - მელე, კუესტა, ლუკუმი, ურონენი - ბონგონდა (66. ნდონგალა), ჰეინენი, ბერგე, იტო (87. ჰაჯი) - სემატა - ონუაჩუ (81. ოდეი).
ლივერპული (4-3-3): ალისონი - მილნერი, ლოვრენი, ვან დაიკი, რობერტსონი (63. გომესი) - ოქსლეიდ-ჩემბერლენი (73. ვეინალდუმი), ფაბინიო, კეიტა - მანე, სალაჰი, ფირმინო (80. ორიჯი).

F ჯგუფი
სლავია-ბარსელონა   1:2
გოლები: 0:1 მესი (3), 1:1 ბორილი (50), 1:2 ოლაინკა (57-საკ. კარში)
სლავია (4-2-3-1): კოლარი - კუფალი, კუდელა, ჰოვორკა, ბორილი - სუჩეკი, სევჩიკი - მასოპუსტი (76. ვან ბურენი), სტანჩუ (76. ჰუსბაუერი), ზელენი (46. ტეცლი) - ოლაინკა.
ბარსელონა (4-3-3): ტერ შტეგენი - სემედუ, პიკე, ლენგლე, ალბა - არტური (84. რაკიტიჩი), ბუსკეტსი (78. ვიდალი), ფ. დე ოინგი - მესი, გრიზმანი (69. უ. დემბელე), სუარესი.

ინტერი-დორტმუნდი   2:0
გოლები: 1:0 ლაუტარო მარტინესი (22), 2:0 კანდრევა (89)
გამოუყენებელი პენალტი: ლაუტარო მარტინესი (82. ინტერი)
ინტერი (3-5-2): ჰანდანოვიჩი - გოდინი, დე ვრეი, შკრინიარი - კანდრევა, ბარელა, ბროზოვიჩი, გალიარდინი, ასამოა (80. ბირაგი) - ლაუტარო მარტინესი (90+1. ბორხა ვალერო), ლუკაკუ (62. ესპოზიტო).
დორტმუნდი (4-2-3-1): ბურკი - ჰაკიმი, აკანჯი (74. ბ. ლარსენი), ჰუმელსი, შულცი - დელენი (65. დაუდი), ვიტსელი - სანჩო, თ. აზარი (84. გერეირო), ვაიგლი - ბრანდტი.

G ჯგუფი
ლაიპციგი-ზენიტი   2:1
გოლები: 0:1 რაკიტსკი (25), 1:1 ლაიმერი (49), 2:1 ზაბიტცერი (59)
ლაიპციგი (4-2-3-1): გულაში - მუკიელე, ორბანი, უპამეკანო, კლოსტერმანი - კამპლი, ლაიმერი (86. დემე) - ზაბიტცერი, ლუკმანი (69. პოულსენი), ფორსბერგი - ვერნერი (46. კუნია).
ზენიტი (4-3-3): კერჟაკოვი - კარავაევი, ივანოვიჩი, რაკიტსკი, სანტოსი - შატოვი (65. ოსორიო), ბარიოსი, ოზდოევი - დრიუსი (82. მაკი), აზმუნი (75. კუზიაევი), ძიუბა.

ბენფიკა-ლიონი   2:1
გოლები: 1:0 რაფა სილვა (4), 1:1 დეპაი (70), 2:1 პიცი (86)
ბენფიკა (4-3-3): ვლახოდიმოსი - ტავარეში, დიასი, ფერო, გრიმალდო - ფერნენდეში, ფლორენტინო, გაბრიელი - რაფა სილვა (20. პიცი), ჩერვი (78. დე ტომასი), სეფეროვიჩი (59. ვინისიუში).
ლიონი (4-4-2): ლოპესი - დიუბუა, დენაიერი, მარსელო, კონე - ტერიერი (56. მენდესი), აუა (88. რეინე-ადელაიდე), ტუსარი, კორნე (66. ტრაორე) - მ. დემბელე, დეპაი.

H ჯგუფი
აიაქსი-ჩელსი   0:1
გოლი: 0:1 ბატშუაი (86)
აიაქსი (4-3-3): ონანა - დესტი, ველტმანი (89. ჰუნტელაარი), ბლინდი, ტალიაფიკო - ალვარესი (89. ს. დე იონგი) - ვან დე ბეეკი, მარტინესი - ზიეჩი, პრომესი (74. ნერეში), ტადიჩი.
ჩელსი (3-4-3): არისაბალაგა - ასპილიკუეტა, ზუმა, ტომორი - ჰადსონ-ოდოი (90. ჯეიმსი), კოვაჩიჩი, ჟორჟინიო, ალონსო - ვილიანი (66. პულიშიჩი), აბრაჰამი (71. ბატშუაი), მაუნტი.

ლილი-ვალენსია   1:1
გოლები: 0:1 ჩერიშევი (63), 1:1 იკონე (90+5)
ლილი (4-1-4-1): მენიანი - ჩელიკი, ფონტე, დიალო (87. ბამბა), ბრადარიჩი - გაბრიელი - იაზიჩი (71. რემი), ანდრე, სუმარე, ლუიზ არაუჟო (65. იკონე) - ოსიმენი.
ვალენსია (4-4-2): სილესენი - ვასი, გაბრიელი, დიახაბი, კოშტა - კოკელენი, პარეხო, კონდოგბია (46. სოლერი), ჩერიშევი (87. გარაი) - გომესი, გამეირო (65. ლი კანგინი).
გაძევება: დიახაბი (84. ვალენსია)

ჩემპიონთა ლიგა. ჯგუფური ეტაპი. III ტური. შედეგები, სატურნირო მდგომარეობა... (განახლებული)

ჩემპიონთა ლიგის ჯგუფურმა ეტაპმა ეკვატორს უწია. შესაბამისად, უკვე შეიძლება მსჯელობა საპლეიოფო პერსპექტივებზე.

ოთხშაბათის მატჩებმა E ჯგუფში "ნაპოლისა" და "ლივერპულის" დომინაცია გამოკვეთა. ჩემპიონთა ლიგის მოქმედმა გამარჯვებულმა ზედიზედ მეორე თამაში მოიგო და თუ სასწაული არ მოხდა, ჯგუფიდან გასვლაში ხელი არ შეეშლება, რაოდენ უხერხულიც არ უნდა იყოს ამაზე ლაპარაკი.

F ჯგუფში "ბარსელონამ" უპირობო ფავორიტის სტატუსი მორიგი 3 ქულით დაადასტურა, მაგრამ ვაი ამ სამ ქულას - კატალონიურ გრანდს ავტოგოლი დასჭირდა პრაღაში მოსაგებად.

"ინტერმა" კი, შეიძლება ითქვას, სიკვდილ-სიცოცხლის მატჩი მოუგო "დორტმუნდს" და ბურთების უკეთესი სხვაობით გადაასწრო კიდეც. დიდწილად გადამწყვეტი იქნება მომდევნო ტური, როცა ეს გუნდები დორტმუნდში "დაჭამენ" ერთმანეთს.

G ჯგუფში "ლაიპციგმა" "ზენიტს" შინ უმნიშვნელოვანესი თამაში შემოუტრიალა. ამ ჯგუფში ისეთი ვითარებაა, ბოლო ტურში კი არა, ეგებ ბოლო ტურის ბოლო წუთამდეც არაფერი იყოს გარკვეული. "ბენფიკამ" მოიგო და კონკურენტებს ნიშანი მისცა, რომ ბრძოლისთვის მზადაა.

დრამატულ ფინიშს გვპირდება H ჯგუფიც, სადაც უფრო "აიაქსი", "ჩელსი" და "ვალენსია" იბრძოლებენ გამსვლელი ადგილებისთვის...

ფაქტები

* დრის მერტენსმა "ნაპოლის" მაისურით 116- გოლი გაიტანა, რაც ერთით მეტია ლეგენდარული დიეგო მარადონას შედეგზე.

* "ზალცბურგის" შემტევი ერლინგ ჰაალანდი პირველი ფეხბურთელია ჩემპიონთა ლიგაში, ვინც ჯგუფური ეტაპის საწყის სამ ტურში 6 გოლი გაიტანა.

* ეს არის პირველი შემთხვევა, რომ "ნაპოლის" ჩემპიონთა ლიგის პირველ სამ ტურში 7 ქულა აქვს.

* "ინტერის" ფორვარდი სებასტიანო ესპოზიტო ამ გუნდის ყველაზე ახალგაზრდა (17 წლისა და 113 დღის) ფეხბურთელია 1981 წლის (ჯუზეპე ბერგომი, 17 წლისა და 72 დღის) შემდეგ, ვისაცჩემპიონთა ლიგაში (ჩემპიონთა თასზე) დებიუტი ჰქონია.

* ლაუტარო მარტინესი "ინტერის" ყველაზე ახალგაზრდა (22 წლისა და 62 დღის) ფეხბურთელია ობაფემი მარტინსის (2005, 20 წლისა და 118 დღის) შემდეგ, ვინც ჩემპიონთა ლიგის ზედიზედ მეორე მატჩში გაიტანა.

* 2017/18 წლების სეზონიდან მოყოლებული, "ლივერპულის" შემტევ რობერტო ფირმინოს ჩემპიონთა ლიგაში ყველაზე მეტი (11) საგოლე პასი აქვს გაკეთებული.

* ალექს ოქსლეიდ-ჩემბერლენის მეორე გოლით "ლივერპული" გახდა მეოთხე ინგლისური კლუბი "მანჩესტერ იუნაიტედის", "არსენალისა" და "ჩელსის" შემდეგ, ვინც ჩემპიონთა ლიგაში 200 (და მეტი) გოლი გაიტანა.

* ლიონელ მესი გახდა პირველი ფეხბურთელი ჩემპიონთა ლიგის ისტორიაში, ვინც ამ ტურნირის ზედიზედ 15 მატჩში მინიმუმ ერთი გოლი მაინც გაიტანა.

1077
მკითხველის კომენტარები / 0 /
მსგავსი ამბები
რუბრიკის სხვა სიახლეები
;