შაკირასა და პიკეს LoveStry... ვის უმალავდა წყვილი ურთიერთობას? [PHOTO]

ბარსელონას ზეობის წლებში, ფეხბურთის გულშემატკივრისთვის ნაცნობი სურათი იყო - ხერარდ პიკე გამორჩეული, დიდი გამარჯვების შემდეგ მაკრატლით მიდიოდა კართან, საგულდაგულოდ ჭრიდა მასზე დაკიდებულ ბადეს და მიჰქონდა შინ სუვენირად. პიკეს ასეთი ბადე რასაკვირველია არაერთი აქვს, რადგან არც "ბარსელონასთან" ერთად მოპოვებული საკლუბო დიდი ტიტულების სიმცირეს განიცდის და არც ესპანეთის ნაკრებთან ერთად მოპოვებული სანაკრებო ტიტულებისა.

კატალონიელ მებადურს სპორტული ნადავლი უხვი და ძალიან ძვირფასი ჰქონდა, მაგრამ 2010 წელს შორეულ სამხრეთ აფრიკაში თევზაობისას მის ბადეს მოყოლილმა ოქროს თევზმა ეს ბიჭი ბოლომდე გააბედნიერა.

რონალდო, ფეხბურთისა და სექსის ვარსკვლავი: 3 ცოლი, 200 საყვარელი [PHOTO]

სამხრეთ აფრიკაში 2010 წლის მსოფლიოს საფეხბურთო ჩემპიონატისადმი მიძღვნილი კომპოზიციის Waka, Waka ჰანგები დღესაც ყველასთვისაა ცნობილი. მოგეხსენებათ, რომ ამ სიმღერას პოპულარული კოლუმბიელი მომღერალი შაკირა ასრულებს. მის მიხედვით გადაღებულ კლიპში შაკირასთან ერთად მსოფლიოს ფეხბურთის ვარსკველავები მონაწილეობენ, მათ შორის ხერარდ პიკე. შაკირამ და პიკემ ერთმანეთი პირველად კლიპის ჩაწერის დროს ნახეს და მიუხედავად ასაკობრივი სხვაობისა, როგორც ჰოლივუდურ მელოდრამაში ხდება - ერთმანეთი გულში ჩაუვარდათ.
შაკირა ამ დროს 33 წლის გახლდათ, ხოლო პიკე მასზე ზუსტად ათი წლით უმცროსია. ზუსტადო შემთხვევით არ გვიხსენებია, ისინი ერთი და იმავე დღეს - 2 თებერვალს არიან დაბადებულნი.

2010 წლის მუნდიალი ესპანეთის ეროვნულმა გუნდმა ტრიუმფით დაასრულა. მებადურმა მაკრატლით ფინალის შემდეგ კარის ბადე აქაც ჩამოჭრა (?) და შინ კმაყოფილი გაემგზავრა. თუმცა მისი მოგონებები სამხრეთ აფრიკასთან მხოლოდ სპორტული მხარით არ შემოიფარგლებოდა. სიყვარული, რომლის შესახებაც საზოგადოებისთვის მედიის საშუალებით გახდა ცნობილი ვარსკვლავების გულში გვარიანად გაღვივებულიყო.

სამხრეთ აფრიკიდან ისინი წავიდნენ საკუთარი კარიერული საქმიანობის გასაგრძელებლად, ოღონდ ერთმანეთი არ სულც არ დავიწყებიათ.

ქალი - ინტერპრეტაცია
შაკირას ძარღვებში ლიბანელის, ესპანელის და იტალიელის სისხლი ჩქეფს.

"მე ვარ ინეტერპრეტაცია. ვარ შერწყმა თეთრის და შავის, პოპის და როკის, სხვადასხვა კულტურების. კოლუმბიური ფოლკლორის და არაბული ცეკვის. მამაჩემი ლიბანელია, დედა ესპანელი. ესეც ბევრ რამეზე მეტყველებს" - ამბობს შაკირა.

მისი პირველი ყველაზე პოპულარული სიმღერა Whenevar, Whenevar საყოველთაოდაა ცნობილი. კომპოზიცია 2002 წელს მსოფლიოში ყველაზე პოპულარული ჰიტ აღლუმების სათავეში იყო მოქცეული და წლის საუკეთესოდაც აღიარეს. მოდით აქვე ისიც ვახსენოთ, რომ ხერარდის დარად შაკირასაც უხვად აქვს ჯილდოები - მხოლოდ "გრემი" ამ კოლუმბიელმა მომღერალმა შვიდჯერ მიიღო.

მომავალმა პოპ-ვარსკვლავმა ჯერ კიდევ მაშინ, ვიდრე საყოველთაო პოპულარობას მოიხვეჭდა არგენტინის ექს პრეზიდენტის შვილთან ანტონიო დე ლა რუასთან გააბა ურთიერთობა. მათი სიყვარული 10 წელიწადს გრძელდებოდა და "ფინიშის ხაზზე" სწორედ ტანმაღალ ბარსელონელ მცველთან, უშიშარ და ცივსისხლიან ხერხარდ პიკესთან შეხვედრის შემდეგ გავიდა.

2011 წლის მარტში შაკირამ თავის ტვიტერზე პიკესთან გადაღებული ფოტო გამოაქვეყნა და მიაწერა: "წარმოგიდგენთ ჩემს მზეს".

პაპარაცები ორივეს, მაგრამ განსაკუთრებით პიკეს უთვალთვალებდნენ. კოლუმბიელ ქალს ჰქონდა იმის გამოცდილება, დაინტერესებულ თვალს დასხლტომოდა და არ გაეხადა ცხადი საით ჰქონდა გეზი აღებული.

აი პიკეს კი დიდ ხანს არ უწვალია ურთიერთობის დასამალავად. ოღონდ ვიდრე "სიყვარულის მალვას" ცდილობდა, დაინტერესებული ჟურნალები პაპარაცებს, მათი ერთად ყოფნისას გადაღებული ფოტოებისთვის სოლიდური გასამრჯელოს პირდებოდნენ. ყევლაზ მეტად ამ კატა-თაგვობანამ ბარსელონას მწვრთნელი პეპ გვარდიოლა დაღალა, დაუძახა მან ხერარდს და ურჩია სიცხადე შეეტანა იმაში, რაც ფეხბურთელს მოსვენებას უკარგავდა და ვიღაცებისგან დამალვას აიძულებდა.

ურთიერთობის სიცხადე

ურთიერთობის გამოაშკარავების შემდეგ პიკემ და შაკირამ საქმე შეუმსუბუქეს ტაბლოიდების ფოტოგრაფებს. კოცნის, ჩახუტების, თუ მოფერებისას - ქუჩაში, "ივენთებზე", თუ დისკოთეკაზე უკვე ნებისმიერს შეეძლო ხერარდი შეყვარებულთან ერთად ეხილა. ისინი ურთიერთობას არათუ მალავდნენ, ამაყობდნენ ამით და გაცილებით თავისუფლადაც იგრძნეს თავი.

შაკირამ მიიღო გადაწყვეტილება ბარსელონაში საცხოვრებლად გადასვლასთან დაკავშირებით და "ბლაუგრანს" თამაშებისასაც ტრიბუნებზე უკვე ხშირად ხედავდნენ. კამერებთან წყვილის გახსნილმა ურთიერთობამ და სპეციალურად მათ დასანახადაც ალერსმა, ჭორიკნებს ეჭვები გაუჩინა იმაზე, თუ რატომ ხდებოდა ზედმეტი აფიშირება ურთიერთობისა და შეითხზა ამბავი პიკეს მიერ ახალგაზრდა ესპანელ გოგონასთან შაკირას ღალატისა. თუმცა ამაზე კომენტარი არცერთს გაუკეთებია. ურთიერთობის დინებას კალაპოტს ისინი სხვების ჩაურევლად აძლევდნენ და სწორედ ამ დღეებში, 2012 წლის 2 თებერვალს დაბადების დღე ორივემ მშვიდად, ოჯახში აღნიშნეს.

"ხერარდთან ურთიერთობის შემდეგ მე სულ სხვა ვარ, როგორც ქალი და როგორც მომღერალი. ჩემი კარიერა და სიყვარული შეიცვალა და გაცილებით უკეთეს რელსებზე გადავიდა. ძალიან ბედნიერი ვარ" - განუცხადა შაკირამ მედიას.
ნახევრადშიშველი, ორსული შაკირა

იმავე წლის სექტემბერში ცნობილი გახდა, რომ წყვილი შვილს ელოდებოდა. გამოქვეყნდა ფოტოებიც დედობის მომლოდინე, ნახევრადშიშვეელი მომღერლის და მისი შეყვარებული ფეხბურთელისა.

2013 წლის 22 იანვარს კი ბარსელონას ერთ-ერთ კლინიკაში სამყაროს მათი პატარა ვაჟი მილან მებარაქ პიკე მოევლინა.
ტაბლოიდები ფულს არ იშურებდნენ ვარსკვლავების პატარა შვილის პირველი ფოტოს გამოქვეყნების ექსკლუზიური უფლების მისაღებად, მაგრამ მშობლებმა ამ უფლების თავისთვის დატოვება გადაწყვიტეს - მილანის ფოტო თავად გამოაქვეყნეს სოციალურ ქსელში.

გაწიე ფერარი გრძელცხვირა! ავტოსადგომზე დაწყებული ზლატან იბრაჰიმოვიჩის სიყვარულის ისტორია [PHOTO]

შაკირა ახლა უკვე შვილთან ერთად ხშირად ჩნდებოდა "კაპ ნოუზე". ბავშვი უმცროსი ასაკიდან შეჩვეულია ფეხბურთს, სტადიონს, თამაშს და რა გასაკვირია, რომ პიკეს ვაჟის ფეხბურთელობისა ეიმედება, შვილს დიდ მომავალსაც უწინასწარმეტყველებს. "ბარსელონელმა ბიჭმა როგორ შეიძლება არჩევანი ფეხბურთელობის სასარგებლოდ არ გააკეთოს?" - გაკვირვებული კითხულობს ხერარდი.

საგულისხმოა, რომ შვილზე ფიქრით დედამაც ყველაფერის მიმართ შეიცვალა შეხედულება. "ახლა იმაზეც ვფიქრობ, თუ როგორი იქნება მსოფლიო მომავალში, როგორ სამყაროში მოუწევს ჩემს შვილს ცხოვრება" - ამბობს შაკირა. თუმცა აღნიშნული თემის მიმართ მისი მიდგომა მათთვის ვინც მომღერალს ახლოს იცნობს არ ყოფილა გასაკვირი. ნაცნობები აღნიშნავენ, რომ კოლუმბიელი მომღერალი არა მხოლოდ სილამაზით და ელეგანტურობითაა გამორჩეული, ის ძალიან კეთილია. შაკირას სხვადასხვა საქველმოქმედო აქციებში მონაწილეობაც ხიბლავს ღარიბების და ბავშვების დასახმარებლად.

მომღერალს ცხადია თავისი საყვარელი საქმიანობაც არ მიუნებებია, თუმცა საინტერესოა, რომ პიკემ ცოლს კლიპებში მამაკაცებთან ერთად გადაღება აუკრძალა და წინააღმდეგობა არც მომღერალს გაუწევია. მეტიც, ის კმაყოფილია ამით. "მე მომწონს ხერარდი როგორ იცავს თავისი გავლენის სფეროს და სიამოვნებით ვასრულებ ამ სურვილს" - თქვა შაკირამ ხსენებული თემის განმარტებისას.

წლეულს მათ მეორე ვაჟი, საშა შეეძინათ.

პიკე ფიქრობს, რომ აქტიური საფეხბურთო კარიერის შემდეგ თავისი ვაჟების წარმატებებით გაიხარებს.
მერე მოხუცი მებადური ასწავლის შვილებს საყვარელ საქმიანობას და იმასაც, თუ როგორ მოჰყვება ბადეს ოქროს თევზი.

3582
მკითხველის კომენტარები / 0 /
მსგავსი ამბები
რუბრიკის სხვა სიახლეები
;