შევარდენს გიორგი ნემსაძე გაწვრთნის

"შევარდენი 1906-ის" პრესსამსახურის ცნობით, ტრადიციულ თბილისურ გუნდს საქართველოს ეროვნული ნაკრების ყოფილი კაპიტანი გიორგი ნემსაძე გაწვრთნის.

"კლუბში აზიელი ინვესტორების შემოსვლა ჩაიშალა. შედეგად, მათ მიერ ჩამოყვანილმა მთავარმა მწვრთნელმა სერგეი ბულატოვმა და ფეხბურთელებმა კლუბი დატოვეს. მიმდინარე სეზონში "იუნკერებს" საქართველოს ეროვნული ნაკრების ყოფილი კაპიტანი და "შევარდენის" ერთ-ერთი დამფუძნებელი გიორგი ნემსაძე უხელმძღვანელებს", - წერია "შევარდენი 1906-ის" განცხადებაში.

ნემსაძეს საფეხბურთო კარიერის განმავლობაში თბილისის "დინამოში", "იბერიაში", "გურიაში", "შევარდენში", "ჰომბურგში", "ტრაბზონსფორში", "გრასჰოპერსში", "რეჯანასა" და "დანდიში" უთამაშია.

საფეხბურთო კარიერის დასრულების შემდეგ ნემსაძე "დინამოს" სპორტული დირექტორის პოსტზე მუშაობდა, სამწვრთნელო კარიერის დასაწყისში კი ჯერ საქართველოს 17-წლამდელთა ნაკრების მთავარი მწვრთნელის ასისტენტის პოსტი ეჭირა, ხოლო შემდეგ მთავარი მწვრთნელიც იყო.

გიორგი ნემსაძე: "ახალდაკომპლექტებული გუნდი გვყავს. გარკვეული მიზეზების გამო სრულფასოვანი შეკრების გავლა ვერ მოვახერხეთ. ამიტომ არ მინდა თამამი განცხადებები გავაკეთო, მაგრამ მიმდინარე სეზონში ყველა იმ თამაშის მოგებას ვგეგმავთ, რომელშიც მონაწილეობა უნდა მივიღოთ. შეიძლება ეს რთული შესასრულებელია, მაგრამ გუნდს მოედანზე გასვლის წინ სხვა მიზანი არ უნდა ჰქონდეს. ჩვენთვის არ ექნება მნიშვნელობა ვინ იქნება ჩვენი მეტოქე, დარწმუნებული ვარ, თამაში ყველასთან შეიძლება. შარშანდელმა წელმა გვაჩვენა, რომ უკეთესი შედეგის დაფიქსირება თავდაუზოგავი შრომით ნამდვილად შესაძლებელია. პირველ ტურში "ცხინვალის" სახით გამოცდილი მეტოქე გვყავს, კარგი ფეხბურთელებითაა დაკომპლექტებული... სადებიუტო თამაში ყოველთვის რთულია და მნიშვნელობა არ აქვს, ვინ ვის ეთამაშება. ორივე გუნდი მოსაგებად იბრძოლებს, მაგრამ ჩვენი მთავარი ამოცანაა, ხვალ მოედანი თავაწეულებმა დავტოვოთ და ჩვენი გულშემატკივარი გამარჯვებით გავახაროთ. სასტარტო თამაშის სასურველი შედეგით დასრულება სამომავლო გეგმებს უფრო მეტად გაგვიადვილებს".

693
მკითხველის კომენტარები / 0 /
მსგავსი ამბები
რუბრიკის სხვა სიახლეები
;