შევჩენკომ კორონავირუსი ჩერნობილს შეადარა

ჩემპიონთა ლიგის მეოთხედფინალისტის „ატალანტას“ პრეზიდენტმა ანტონიო პერკასიმ ილაპარაკა შთაბეჭდილებებზე, რომელიც ბერგამოს საავადმყოფოს მონახულებისას მიიღო.

„მე შევედი და... მხოლოდ ტირილი მინდოდა. ეს მსოფლიო ომია. ვეფერები ყველას, ვინც იტანჯება და მადლობას ვუხდი ყველა ექიმსა და მთელ სამედიცინო პერსონალს: ისინი დაუჯერებელ სამუშაოს ასრულებენ! როცა საავადმყოფოში იმყოფები, ეს კოშმარს ჰგავს, მხოლოდ ტირილი გინდება. ჩვენ წინაშეა სანიტარიული ბომბი, უხილავი მტერი. ეს ყველაფერი მსოფლიო ომს ემსგავსება“, - მოჰყავს პერკასის სიტყვები RTL-ს.

n n n

უკრაინის ნაკრების მთავარმა მწვრთნელმა ანდრეი შევჩენკომ Sky Sport Italia-სთან ინტერვიუში აღიარა, რომ თვალს ადევნებს იტალიაში კორონავირუსთან დაკავშირებულ სიტუაციას.

„ახლა, ლონდონში ოჯახთან ერთად ვიმყოფები. ჩვენ 10 დღეა სახლიდან არ გავდივართ და ყველაფერი წესრიგში მაქვს. თავის დროზე, როცა ცხრა წლის ვიყავი, ჩემმა ქვეყანამ გადაიტანა მსგავსი ტრაგედია, მხედველობაში მაქვს ჩერნობილი. ასეთ სიტუაციაში საჭიროა არ გაურთულო საქმე ნამდვილ გმირებს - მედიცინის წარმომადგენლებს. ვწუხვარ იტალიელების გამო და ვცხოვრობ იმედით, რომ სიტუაცია, ბოლოს და ბოლოს, დალაგდება. ჩვენ ერთად შევძლებთ აქედან გამოძრომას“, - თქვა შევჩენკომ.


ჩეაერთეთ და გაერთეთ - LELO WORLD CUP


„იუვენტუსის“ ფორვარდმა პაულო დიბალამ ილაპარაკა იმ სიმპტომებზე, რომელიც მას კორონავირუსის დროს აღმოაჩნდა.

„სიმპტომებმა ძლიერად იჩინეს თავი, მაგრამ დღეს გაცილებით უკეთ ვგრძნობ თავს. ახლა მიადვილდება გადაადგილება, ვცდილობ ვარჯიშს. უკვე ხუთი წუთის შემდეგ არაფრის გაკეთება არ შემეძლო, ძლივს ვსუნთქავდი, კუნთები მტკიოდა. საბედნიეროდ, ახლა მე და ჩემი გოგონა გაცილებით კარგად ვართ“, - განაცხადა არგენტინელმა ფეხბურთელმა.

442
მკითხველის კომენტარები / 0 /
მსგავსი ამბები
რუბრიკის სხვა სიახლეები
;