შეკითხვა: რატომ არ მოითხოვეს ბორჯღალოსნებმა შერკინება?

ბრიტანეთში, უელსისა და საქართველოს დაპირისპირებაში, რომელიც მასპინძლების სასარგებლოდ 13:6 დასრულდა, ბოლო წუთებზე ანგარიშის გათანაბრების კარგი შანსი გვქონდა.

თუმცა მას მერე, რაც მსაჯმა უელსელები დააჯარიმა და მათ ბურჯს ყვითელი ბარათი უჩვენა, საქართველოს ნაკრების მორაგბეებმა ბურთი გვერდით ხაზზე გადააგდეს და თამაში დერეფნით განაგრძეს. ამ დროს ბევრისთვის გაუგებარი იყო, რატომ არ მოითხოვეს "შერკინება", რომელშიც მეტოქესთან შედარებით საკმარისი უპირატესობა გვქონდა.

ამ სიტუაციას კარგად ხსნის რაგბის მცოდნე კობა ისაკაძე, რომელმაც თავის "ფეისბუქზე" დაწერა:

"ვინც უყურა და ვერ მიხვდა, თუ რა მოხდა ბოლო წუთებზე უელსის წინააღმდეგ, აგვიიხსნით: 

როდესაც გააძევეს უელსის 3 ნომერი, შეცვლაზე უნდა შემოსულიყო აწ უკვე შეცვლილი ძირითადის სამი ნომერი (ბრაუნი), აქ კი უელსელებმა ჭკუა იხმარეს და განაცხადეს (მოიტყუეს რა თქმა უნდა, გამომდინარე იქიდან, რომ შეიძლება ფრედ დასრულებულიყო შეხვედრა), რომ ბრაუნი ტრავმირებულია.

შესაბამისად, თუ არ გყავს ბურჯი, რომელიც შეცვლის გაძევებულ ბურჯს ინიშნება შერკინება, რომელშიც მიწოლა არ შეიძლება, შესაბამისად მოგვიწია ბურთის აუტში გადატანა."

4384
მკითხველის კომენტარები / 0 /
მსგავსი ამბები
რუბრიკის სხვა სიახლეები
;