შენგელიამ ითამაშა, ბასკონიამ - ვერა

ესპანეთის პირველობაზე ვერ მოიგო თორნიკე შენგელიას "ბასკონიამ". ვიტორიელები გიორგი შერმადინის ყოფილ კლუბ "უნიკახას" ესტუმრნენ და ათქულიანი სხვაობით დამარცხდნენ - 72:82.

შენგელია თავის გუნდში საუკეთესო იყო: 35:23 წუთში 15 ქულა (7-დან 4 ორქულიანი, 2-დან 1 სამიანი, 6-დან 4 საჯარიმო), 7 მოხსნა და 3 პასი მიითვალა, მისი მარგი ქმედების კოეფიციენტი კი 25-ს გაუტოლდა.

თორნიკეზე უკეთ მხოლოდ მასპინძელთა გუნდის კალათბურთელი ხაიმე ფერნანდესი გაისარჯა - 20 ქულა, 10 პასი და მარგი ქმედების 30-იანი კოეფიციენტი. საქართველოს ნაკრების კალათბურთელის მეტ ჯენინგის ანგარიშზე 8 ქულაა.

ბასკებს 20 ტურის შემდეგ 9 მოგება აქვთ და მე-11 პოზიციაზე არიან.

ხმა მივცეთ თორნიკე შენგელიას: ევროლიგის ათწლეულის ტოპ-10-ში!

484
მკითხველის კომენტარები / 0 /
მსგავსი ამბები
რუბრიკის სხვა სიახლეები
;