შენგელიას 'ბასკონია' 'რეალსა' და 'ბარსას' უახლოვდება

"ბასკონიამ" ესპანეთის ჩემპიონატში "მანრესას" უმასპინძლა და დაგეგმილი გამარჯვება მოიპოვა - 81:72.

ბასკების მწვრთნელმა ქართველი ფორვარდი თორნიკე შენგელია 24 წუთი ათამაშა, რა დროშიც მან 14 ქულა და 6 მოხსნა მოაგროვა, ექვსივე ორქულიანი გამოიყენა, 5 საჯარიმოდან კი 2 ჩააგდო.

16 ქულით "ბასკონიას" ბომბარდირი ჰილარდი გახდა, ხოლო მატჩისა - მანრესელი ლუნდბერგი (20 ქულა). არ უთამაშია საქართველოს ნაკრების ნატურალიზებულს, მეტ ჯენინგს.

შენგელიას თანაგუნდელებს 23 მოგება, 7 წაგება აქვთ და ცხრილში მესამე ადგილზე არიან, მხოლოდ მოგებით ჩამორჩებიან "რეალსა" და "ბარსელონას".

აქვე შეგახსენებთ, რომ ამ ტურის მატჩი გიორგი შერმადინმა ხუთშაბათს ითამაშა. მისმა "უნიკახამ" "ესტუდიანტესს" სტუმრად აჯობა (80:72), ხოლო გიოს ანგარიშზე 12 ქულა იყო.

444
მკითხველის კომენტარები / 0 /
მსგავსი ამბები
რუბრიკის სხვა სიახლეები
;