შენგელიას თანაგუნდელებმა "არმანის" ჯინსი ვერ მოირგეს

ევროლიგაზე მეშვიდე შეხვედრა გამართა თორნიკე შენგელიას "ბასკონიამ" და მეოთხედ დამარცხდა. ამჯერად ევროლიგის მოგების ერთ-ერთ ფავორიტ "არმანი მილანთან" - 74:81.

მთელი მატჩი თანაბარ ბრძოლაში წარიმართა, მხოლოდ მეოთხე პერიოდში მოახერხეს იტალიელებმა წინ გაჭრა 13 ქულის სხვაობით, რაც სტუმრებისთვის დაუძლეველი ბარიერი აღმოჩნდა.

თორნიკე შენგელია სასტარტო ხუთეულში იყო და 26 წუთში მისმა მონაგარმა 12 ქულა, 9 მოხსნა, 2 პასი და თითო ჩაჭრა-დაფარება შეადგინა.

საქართველოს ნაკრების ამერიკელმა უკანახაზელმა მეტ ჯენინგმა 23 წუთში 5 ქულა ჩააგდო. მატჩის ბომბადირები კი ამადეო დელა ვალე ("მილანი") და ნიკ სტაუსკასი გახდნენ. მათ 15-15 ქულა მოინაგრეს.

499
მკითხველის კომენტარები / 0 /
მსგავსი ამბები
რუბრიკის სხვა სიახლეები
;