შენგელიას 11 ქულა, 7 მოხსნა და განადგურებული ცრვენა ზვეზდა [VIDEO]

ევროლიგის 21-ე ტურის შეხვედრაში ქართველი ფორვარდის, თორნიკე შენგელიას "ბასკონიამ" "ცრვენა ზვეზდას" უმასპინძლა და 103:84 გაანადგურა. ქართველი კაპიტანი მატჩში სათადარიგოთა სკამიდან ჩაერთო და პარკეტზე 24 წუთი გაატარა. შენგელია გუნდს 11 ქულით, 7 მოხსნით, 2 შედეგიანი გადაცემითა და 1 ჩაჭრით დაეხმარა.

მასპინძლებს როდრიგ ბობოამ ულიდერა, რომლის ანგარიშზეც 25 ქულაა, ბელგრადელთა რიგებში კი 22 ქულით თავი ენის დილანმა გამოიჩინა.

10 გამარჯვებითა და 11 მარცხით "ბასკონია" მე-9 ადგილზეა და საპლეიოფო ზონაში მყოფ "მაკაბის" ერთი მოგებით ჩამორჩება.

ევროლიგის მომდევნო ტურში ესპანური კლუბი "პანათინაიკოსს" ეწვევა, მატჩი 8 თებერვალს გაიმართება. 4 თებერვალს კი ბასკები ესპანეთის ჩემპიონატის მატჩში "ბარსელონას" უმასპინძლებენ.

 

1916
მკითხველის კომენტარები / 0 /
მსგავსი ამბები
რუბრიკის სხვა სიახლეები