შენგელიას 16 ქულა "ბაიერნს"

ევროლიგის მეოთხე ტურში თორნიკე შენგელიას "ბასკონიამ" მიუნხენის "ბაიერნის" წინააღმდეგ ითამაშა. შეხვედრა გერმანიაში გაიმართა და მასპინძელთა უპირატესობით წარიმართა.

მიუხედავად იმისა, რომ ბოლო წუთებზე ბასკებმა თავგამოდებით სცადეს თამაშის შემოტრიალება, მტკიცე გერმანელებმა გამარჯვება მაინც არ გაატანეს და 77:71 გაიმარჯვეს.

"ბაიერნის" წარმატებაში 22 ქულიანი წვლილი დერიკ უილიამსმა შეიტანა, ხოლო მატჩის ბომბარდირი "ბასკონიას" ცენტრი ვენსან პუარიე გახდა - 24 ქულა.
თორნიკე შენგელიამ მონაგარი 16 ქულით შეივსო. მისი სრული სტატსტიკა ასეთი იყო: 25 წუთი, 16 ქულა (5-დან 4 ორქულიანი, 2-დან 1 სამიანი, 8-დან 5 საჯარიმო), 6 მოხსნა, 2 პასი, 3 ჩაჭრა.

"ბასკონიას" ევროლიგაზე ოთხი ტურის შემდეგ 1 მოგება აქვს. მომდევნო მატჩს 1 ნოემბერს შინ თურქული "დარუშაფაკას" წინააღმდეგ გამართავს.

ყოველდღიური სპორტული გაზეთი "ლელო"
1122
მკითხველის კომენტარები / 0 /
მსგავსი ამბები
რუბრიკის სხვა სიახლეები
;