შენგელია, ბომბარდირი, MVP, 18

თორნიკე შენგელიას "ბასკონიამ" ესპანეთის ჩემპიონატში "მონბუსს" უმასპინძლა და 85:78 დაამარცხა. შეხვედრა თავიდან ბოლომდე თანაბარი გამოვიდა, თუმცა ბასკების მცირე უპირატესობა თავიდანვე გამოიკვეთა და გამარჯვებაც დამაჯერებელი იყო.

ქართველი ფორვარდი, თორნიკე შენგელია მატჩის სნაიპერი გახდა. მან 31 წუთში 18 ქულა, 8 მოხსნა და 3 პასი გაიფორმა. თოკომ 10-დან 5 ორქულიანი, 4-დან 1 სამიანი და 7-დან 5 საჯარიმო ჩააგდო. ნამატჩევს იგი შეხვედრის MVP-ად აღიარეს.

ვიცე-ბომბარდირი "ბასკონიას" გამთამაშებელი მარსელინიო უერტასი გახდა, რომელმაც 16 ქულასთან ერთად 9 პასი შეასრულა. ამდენივე ქულა ჰქონდა "მონბუსის" უკრაინელ ცენტრ არტიომ პუსტოვოის, რომელიც სტუმართა შორის საუკეთესო იყო.

"ბასკონიას" 6 მოგება, 4 წაგება აქვს და სატურნირო ცხრილში მე-7 ადგილზეა.

ყოველდღიური სპორტული გაზეთი "ლელო"
1079
მკითხველის კომენტარები / 0 /
მსგავსი ამბები
რუბრიკის სხვა სიახლეები