შენგელია: MVP? მე არა - გუნდი!

თორნიკე შენგელიას "ბასკონია" პლეი ოფის ზონაში მოსახვედრად გამალებით იბრძვის. პლეი ოფის გზაზე ბასკებმა რუსული "ხიმკი" 87:77 დაამარცხეს, რაშიც ლომის წვლილი თოკოს მიუძღვის.

მან 28 წუთში 15 ქულა, 15 მოხსნა მოაგროვა და მარგი ქმედების კოეფიციენტიც მაღალი ჰქონდა - 28. 

ამ მაჩვენებლებით იგი ევროლიგის მორიგი ტურის MVP-ად აღიარების მთავარი პრეტენდენტია. აი, რა თქვა მან საუკეთესოობასთან დაკავშირებით:

- ველი თუ არა MVP-ად დასახელებას? გიპასუხებთ: MVP გუნდი იყო, "ბასკონია". დაცვასა თუ შეტევაში ყველა კალათბურთელმა მშვენივრად იმუშავა. რაც მთავარია, პლეი ოფში მოხვედრის შანსს ვინარჩუნებთ, ოთხი მატჩი შინ გველის, ორიც სტუმრად. მჯერა, რომ მეორე რაუნდში ბრძოლას განვაგრძობთ, ჩვენს გუნდს საკმარისზე მეტი რესურსი აქვს საიმისოდ, რომ პლეი ოფში გავიდეს.

1286
მკითხველის კომენტარები / 0 /
მსგავსი ამბები
რუბრიკის სხვა სიახლეები
;