შერმადინის 13 რეალთან და MVP-ის ტიტული

გიორგი შერმადინი ძალიან ახლოს იყო სეზონის პირველ დიდ გამარჯვებასთან. მისი "უნიკახა" მადრიდს ესტუმრა და "რეალთან" თითქმის მოგებული მატჩი წააგო - 82:89.

საფინალო სირენამდე 2.5 წუთით ადრე რობერტსის სამქულიანით მალაგელები 81:77 დაწინაურდნენ, თუმცა მას მერე მხოლოდ ერთი ქულის ჩაგდება მოახერხეს, "რეალს" კი გამარჯვებაში მნიშვნელოვნად დაეხმარა სერხიო ლულის სამქულიანი სირენამდე 32 წამით ადრე, რის შემდეგაც ანგარიშში სხვაობა ხუთამდე გაიზარდა - 87:82. საფინალო ანგარიში უკვე დავწერეთ.

გიორგი შერმადინი სასტარტო ხუთეულში იყო და "უნიკახას" ვიცე-ბომბარდირი გახდა. მისი თანაგუნდელი მილოსავლიევიჩი 15 ქულით მატჩის სნაიპერი იყო. გიორგის მოგანარი კი ასე გამოიყურებოდა: 20 წუთი, 13 ქულა, 3 მოხსნა.

მალაგელთა ოფიციალურმა "ტვიტერმა" მატჩის საუკეთესო კალათბურთელად შერმადინი დაასახელა და კარიკატურაც მიუძღვნა.

431
მკითხველის კომენტარები / 0 /
მსგავსი ამბები
რუბრიკის სხვა სიახლეები