შერმადინი და ჯადოსნური 7 წამის VIDEO: რატომ ითხოვდა ისრაელის მწვრთნელი ჯარიმას?!

საქართველოს კალათბურთელთა ნაკრებმა ისტორიაში ერთ-ერთი ყველაზე ეფექტური მატჩი მოიგო. მან ისრაელი 71:69 დაამარცხა...

ანგარიშზე 69:69 ბოლო შეტევა ჩვენ დაგვრჩა. ეს სწორედ ის მომენტი იყო, გიორგი შერმადინმა ბურთი მაკფადენისგან რომ მიიღო და გამარჯვების ორქულიანი ჩააგდო. სტუმრებმა მძაფრად გააპროტესტეს - შერმადინი შეტევაში დაჯარიმდაო. არადა, თავადაც კარგად იცოდნენ, რომ ასეთ ჯარიმებს ბოლო წამებზე იშვიათად სტვენენ, მითუმეტეს, მასპინძლების წინააღმდეგ.

- წავაგეთ მსაჯების შეცდომების გამო, - თქვა ისრაელის მწვრთნელმა ოდედ კატაშიმ, - მაღალი ხარისხის კალათბურთისას, მაშინ როცა თამაში ძალიან დაძაბულია, მსაჯებიც მაღალი დონისანი უნდა იყვნენ. ფიბა-ს ამ მიმართულებით სერიოზულად აქვს სამუშაო.

დააკვირდით გამეორებას და დარწმუნდებით, რომ ისრაელის მწვრთნელი სულ ტყუილად ითხოვდა შერმადინის დაჯარიმებას - მისმა შეგირდმა ორივე ფეხზე დადგომა ვერ მოასწრო, გიორგის მოძრაობაში დაეჯახა და მსაჯებს თავისუფლად შეეძლოთ გიორგის კი არა, დამცველის დაჯარიმება.

ბატონ მწვრთნელს ერთი წლის წინანდელ მაგალითსაც გავახსენებთ: თელ-ავივში, ევრობასკეტზე ისრაელი ოვერტაიმში რომ დავამარცხეთ, მსაჯებმა სადაო ეპიზოდებში კი არა, არასადაო მომენტებშიც ისრაელის მხარე დაიჭირეს - გემახსოვრებათ, ძირითადი დროის ბოლო წამზე ზაზა ფაჩულიას ერთდროულად ორი მასპინძელი რომ დაახტა, მაგრამ არბიტრებმა სასტვენები გადაყლაპეს... ის მატჩიც მოვიგეთ და 2018 წლის 3 დეკემბარსაც, თბილისში.

მსაჯებმა ჯარიმა, ცხადია არ დააფიქსირეს, თუმცა ვიდეოზე გაამეორეს მომენტი, რათა გაერკვიათ, შერმადინმა დროის ამოწურვის შემდეგ ჩააგდო, თუ მოასწრო ტყორცნა. ფოტოზეც ჩანს, რომ გიორგის ბურთისთვის ხელი რომ გაშვებული ჰქონდა, დრო ამოწურული არ იყო...

2106
მკითხველის კომენტარები / 0 /
მსგავსი ამბები
რუბრიკის სხვა სიახლეები
;