[VIDEO] შერმადინმა "ბარსას" 20 ქულა ჩაუგდო, მისდამი მსაჯის მოპყრობამ კი რუსი კომენტატორი გააოგნა

ესპანეთის ჩემპიონატის მეოცე ტურში გიორგი შერმადინის "ტენერიფემ" "ბარსელონას" უმასპინძლა და ძალიან ახლოს იყო გამარჯვებასთან, თუმცა 83:87 დამარცხდა.

შეხვედრის ბოლო წამებზე ანგარიში არაერთხელ გათანაბრდა და, როდესაც სირენამდე 32 წამი რჩებოდა ტენერიფელებმა მორიგი შეტევა წამოიწყეს გასათანაბრებლად (ანგარიში 83:85 იყო). თუმცა მსაჯმა გიორგი შერმადინი ბლოკის არასწორად დაყენებისვის შეტევაში დააჯარიმა. ეს ქართველისთვის მეხუთე ფოლი აღმოჩნდა და მოედნის დატოვებამ მოუწია. მსაჯის გადაწყვეტილებამ არხ "კალათბურთის სამყაროს" რუსი კომენტატორი გაოგნებული დატოვა - ასეთ ჯარიმას, ასეთ დროს ვინ სტვენსო?! იქვე გაიხსენა, რომ დარბაზში 5 ათასზე მეტი მაყურებელი იყო და მათგან ტკბილი სიტყვები რომ არ გადმოიფრქვეოდა, ესეც ცხადია.

ასეა თუ ისე, მსაჯმა "ტენერიფეს" უმნიშვნელოვანესი შეტევა ჩაშალა, ლიდერი მოედნიდან მიაბრძანა, რაც "ბარსელონას" გამარჯვებას ნიშნავდა.

მანამდე შერმადინმა სისხლი გაუშრო კატალონიელთა დამცველებს: 26 წუთში 20 ქულა (12-დან 8 ორქულიანი, 5-დან 4 საჯარიმო), 6 მოხსნა, 1 პასი მიითვალა. მარგი ქმედების კოეფიციენტი 20-ს გაუტოლდა.

ტენერიფეში ქართველზე მეტი მხოლოდ საშუ სალინმა ჩააგდო - 24 ქულა, ხოლო "ბარსას" გამარჯვება მიროტიჩისა (18 ქულა) და არბინესის (16) კარგმა თამაშმა განაპირობა.

შენგელია VS ბურჯანაძე: ქართული დუელი კანარებზე

4114
მკითხველის კომენტარები / 1 /
aburjga
0
ვუყურე. მართლა ტყუილად დასტვინა! მოკლედ სპორტი გაყიდულია ყველგან და ყველა დონეზე!
მსგავსი ამბები
რუბრიკის სხვა სიახლეები
;