შერმადინს 19 ქულისთვის 14 წუთი ეყო

გიორგი შერმადინმა ამჯერად ევროთასის მატჩში ისახელა თავი, როცა სულ რაღაც 14 წუთში 19 ქულა ჩააგდო.

"უნიკახამ" ევროთასის D ჯგუფში მორიგი დამაჯერებელი გამარჯვება იზეიმა. მალაგელები მონტენეგროს წარმომადგენელ "მორნარ ბარს" დაუხვდნენ და მეტოქე 111:76 გაანადგურეს.

გიორგი სასტარტო ხუთეულში იყო და მართალია, მატჩის მიმდინარეობიდან გამომდინარე, პარკეტზე მხოლოდ 14:24 წუთი გაატარა, მაინც საუკეთესო ბომბარდირი გახდა.

ქართველმა ლეგიონერმა 10-დან 8 ორქულიანი და 6-დან 3 საჯარიმო ჩააგდო და 19 ქულას 4 მოხსნა, 1 პასი და 2 ჩაჭრა წაამატა. შერმადინს ერთხელ დაუფარეს, არ დაჯარიმებულა, მის წინააღმდეგ კი თამაშის წესები 4-ჯერ დაირღვა.

შედეგად, ჩვენებურის სარგებლიანობის კოეფიციენტი 24-ს გაუტოლდა და ის მხოლოდ ფინელ თანაგუნდელ სასუ სალინს (25) ჩამორჩა, რომელმაც 17 ქულას 7 მოხსნა წაამატა.

ესპანურმა გუნდმა 8 ტურში 7 მოგება მოაგროვა და ჯგუფს რუსულ "უნიკსთან" ერთად ლიდერობს, რომელსაც უკვე სანაკრებო პაუზის მერე, 12 დეკემბერს, ყაზანში ეთამაშება.

ყოველდღიური სპორტული გაზეთი "ლელო"
591
მკითხველის კომენტარები / 0 /
მსგავსი ამბები
რუბრიკის სხვა სიახლეები
;