შვეიცარიული გამოცემა ჩაკვეტაძეზე: ფრთხილად, საშიშია! მას ძალიან ნათელი მომავალი აქვსო...

ქართველ სუპერტალანტს ძალიან ნათელი მომავალი აქვსო...

ევრო 2020-ის საკვალიფიკაციო ეტაპის წილისყრის შემდეგ 20min.ch.-იმ ყურადღება გიორგი ჩაკვეტაძეზე შეაჩერა. შვეიცარიული გამოცემის ჟურნალისტი ყურადღებას ამახვილებს საქართველოს ნაკრების 19 წლის შემტევზე, რაკიღა მიიჩნევს, რომ შვეიცარიის ნაკრებს ყველაზე დიდი საფრთხე სწორედ მისგან ელის...

"გიორგი ჩაკვეტაძე კვლავ "გენტის" ფეხბურთელი იქნება, როცა შვეიცარიის ნაკრები 2019 წელს საქართველოს შეხვდება? დარწმუნებული არ ვარ, რადგან თვეებია, რაც წამყვანი ევროპული კლუბები "გენტს" წინადადებებით მიმართავენ, მაგალითად, "ბარსელონა", რომელიც ცდილობს, 19 წლის ფენომენი გადაიბიროს - ფეხბურთელი, რომელიც, შესაძლოა, დღეს ევროპაში ყველაზე პერსპექტიული ახალგაზრდაა.

მიუნხენის "ბაიერნის" დაინტერესების მიუხედავად, თბილისის "დინამოში" გაზრდილი ჩაკვეტაძე 2017 წლის ზაფხულში "გენტში" გადავიდა. გერმანელებმა, უბრალოდ, დააგვიანეს.

ბელგიური კლუბი მაშინ ძალიან ჭკვიანურად მოიქცა, რადგან მას შემდეგ ჩაკვეტაძის საბაზრო ფასი გაიზარდა. ბოლო ცნობებით, როცა "ბაიერნი" ამ ტრანსფერს ისევ მიუბრუნდა, ქართველით "ტოტენჰემი" და "შახტარიც" დაინტერესდნენ", - წერს 20min.ch

შვეიცარიული გამოცემა ყურადღებას ამახვილებს ქართველის სწრაფ პროგრესზე: "უნდა ითქვას, რომ ამ ბიჭს ტალანტი ნამდვილად აქვს. საქართველოს ნაკრებში პირველად 2018 წლის მარტში ითამაშა და მას შემდეგ 7 მატჩში 5 გოლი გაიტანა! "გენტშიც" კარგად გამოიყურება, განსაკუთრებით, თავი ევროპალიგაზე, კერძოდ, "ბორდოსთან" გამოიჩინა.

მას კლუბთან კონტრაქტი 2020 წლამდე აქვს, მაგრამ გასაკვირი იქნება, ამ დრომდე ბელგიაში დარჩეს, რადგან მისმა ტალანტმა უკვე ყველა ევროპელი სკაუტის ყურადღება მიიქცია. 183 სმ სიმაღლის შემტევ ნახევარმცველში ერთადაა ფიზიკური და ტექნიკური თვისებები, რაც მას სრულყოფილ მოთამაშედ გახდის. შვეიცარია ძალიან ფრთხილად უნდა იყოს", - წერს გამოცემა და იქვე ქართველის საუკეთესო მომენტებს აქვეყნებს.

ყოველდღიური სპორტული გაზეთი "ლელო"
1918
მკითხველის კომენტარები / 0 /
მსგავსი ამბები
რუბრიკის სხვა სიახლეები