შვიდკაცამ ევროპის გრან პრის სერიის მორიგ ეტაპზე მე-10 ადგილი დაიკავა

საქართველოს შვიდკაცა რაგბის ნაკრებმა ევროპის გრან პრის სერიის მორიგ ეტაპზე, რომელიც საფრანგეთში, ამ ქვეყნის სანაკრებო ბაზაზე, მარკუსიში გაიმართა, ისევ წარუმატებლად იასპარეზა.

ჩვენმა გუნდმა ხუთი შეხვედრიდან მხოლოდ ერთი მოიგო და მე-10 ადგილზე გავიდა.

ჯგუფურ ეტაპზე "შვიდკაცა ბორჯღალოსნებმა" სამი თამაშიდან სამივე წააგეს და ბოლო ადგილზე აღმოჩნდნენ. პირველ მატჩში გერმანიის ნაკრებს მეტ-ნაკლები წინააღმდეგობა გავუწიეთ და მხოლოდ შვიდი ქულის სხვაობით დავმარცხდით - 10:17. მომდევნო შეხვედრებში ჩვენმა ნაკრებმა უიმედოდ დათმო ჯერ რუსეთთან - 14:38, შემდეგ კი, პორტუგალიასთან - 7:36.

მე-9 ადგილისთვის ნახევარფინალში საქართველოს ნაკრები ესპანეთს დაუპირისპირდა და 21:17 სძლია. ფინალში კი, პოლონეთთან დამარცხდა - 10:19.
ევროპის გრან პრის მორიგი ეტაპი ინგლისში, ექსეტერში ჩატარდება.

საქართველოს ნაკრები

ილია სპანდერაშვილი (არმაზი), ზურაბ ძნელაძე, ლაშა ლომიძე, ოთარ ძაგნიძე, თორნიკე მანაგაძე (ოთხივე - აია), გიორგი ჭუაძე, იოანე ხელაია, სოსო მათიაშვილი (სამივე - აკადემია), გიორგი მჭედლიშვილი, ირაკლი სვანიძე (ორივე - ჯიქი), თენგიზ პერანიძე, აკაკი ტაბუცაძე (ორივე - ლელო), რეზი ხარაზიშვილი (იუნკერები), გიორგი გოგოლაძე (კასტანე), რამაზ ხარაზიშვილი (ლოკომოტივი)

ყოველდღიური სპორტული გაზეთი "ლელო"
1067
მკითხველის კომენტარები / 0 /
მსგავსი ამბები
რუბრიკის სხვა სიახლეები
;