შვიდკაცამ სოსო მათიაშვილი დაიმატა

საქართველოს შვიდკაცა რაგბის ნაკრები საწვრთნელ შეკრებაზე საფრანგეთში იმყოფება, სადაც 30 ივნისიდან, მარკუსიში, საფრანგეთის ნაკრების ბაზაზე ევროპის შვიდკაცა რაგბის გრან პრის მორიგ ეტაპზე იასპარეზებს.

შეჯიბრების პირველ დღეს ჯგუფური ეტაპის შეხვედრებია და ჩვენი ნაკრები B ჯგუფში გერმანიის, რუსეთისა და პორტუგალიის ნაკრებების წინააღმდეგ ითამაშებს.
მარკუსის ეტაპის დასრულების შემდეგ, გუნდი საფრანგეთში დარჩება და ორლეანში განაგრძობს მზადებას, საიდანაც ინგლისში გადაინაცვლებს და 7-8 ივლისს მესამე, ექსეტერის ეტაპზე ითამაშებს.

შეგახსენებთ, რომ ევროპის გრან პრი ოთხ ეტაპად ტარდება და ბოლო ეტაპს 8-9 სექტემბერს პოლონეთის ქალაქი ლოძი უმასპინძლებს.

პირველ, მოსკოვის ეტაპზე არ უთამაშიათ და საფრანგეთში გაემგზავრნენ გიორგი ჭუაძე, ირაკლი სვანიძე, აკაკი ტაბუცაძე და იოანე ხელაია. გაფართოებულ შემადგენლობაშია საქართველოს ეროვნული ნაკრების წევრი სოსო მათიაშვილი, რომელიც სწორედ შვიდკაცა რაგბიდან დაწინაურდა. ის ექსეტერის ეტაპზე ითამაშებს.

საქართველოს ნაკრები
ილია სპანდერაშვილი (არმაზი), ზურაბ ძნელაძე, ლაშა ლომიძე, ოთარ ძაგნიძე, თორნიკე მანაგაძე (ოთხივე - აია), გიორგი ჭუაძე, იოანე ხელაია, სოსო მათიაშვილი (სამივე - აკადემია), გიორგი მჭედლიშვილი, ირაკლი სვანიძე (ორივე - ჯიქი), თენგიზ პერანიძე, აკაკი ტაბუცაძე (ორივე - ლელო), რეზი ხარაზიშვილი (იუნკერები), გიორგი გოგოლაძე (კასტანე), რამაზ ხარაზიშვილი (ლოკომოტივი)

ყოველდღიური სპორტული გაზეთი "ლელო"
1651
მკითხველის კომენტარები / 0 /
მსგავსი ამბები
რუბრიკის სხვა სიახლეები
;