შვიდკაცა რაგბი: ხუთიდან ორი მოვიგეთ

საქართველოს შვიდკაცა რაგბის ნაკრებმა ახალი მთავარი მწვრთნელის ხელმძღვანელობით პირველად ითამაშა დუბაის საერთაშორისო ტურნირზე. ზაზა ლეჟავამ დუბაიში თავის გამოჩენის შესაძლებლობა ახალგაზრდა მორაგბეებს მისცა.

პირველ დღეს საკვალიფიკაციო მატჩები გაიმართა. პირველი მეტოქე საფრანგეთის ნაკრების სარეზერვო გუნდი "ფროგისი" იყო და 0:24 დავმარცხდით. მეორე მატჩში "კუკრი კობრასთან კი 12:26 წავაგეთ. დღის ბოლოს გერმანიის ნაკრებს ოთხი ლელო გავუტანეთ და 24:5 ვაჯობეთ.

ჩვენმა გუნდმა მეორე დღეს ჩელენჯ ტროფიზე გადაინაცვლა და მეოთხედფინალში ზამბიას 24:21 მოუგო. ნახევარფინალში კი ზიმბაბვეს "წმინდა გიორგის კოლეჯის" გუნდს შეხვდა და 5:19 დამარცხდა.

საქართველოს ნაკრები
ნიკო აფციაური (არმია), ლევან გოგოლაშვილი (ლოკომოტივი), აკაკი ტაბუცაძე, ბექა საღინაძე (ორივე - ლელო), ოთარ ძაგნიძე, გიორგი აბრამიძე (ორივე - აია), კონსტანტინე მარჯანიშვილი (ჩოხოსნები), ნიკა ბიწაძე, ირაკლი სვანიძე, გიორგი მჭედლიშვილი (სამივე - ჯიქი), გურამ ქანდაურაშვილი (ხარები), საბა შუბითიძე (აკადემია).

ყოველდღიური სპორტული გაზეთი "ლელო"
1229
მკითხველის კომენტარები / 0 /
რუბრიკის სხვა სიახლეები
;