შოთა არველაძე და ექტორ კუპერი ერთად უზბეკეთში...

სახელგანთქმული არგენტინელი სპეციალისტი ექტორ კუპერი უზბეკეთის ნაკრების თავკაცად მსოფლიოს ჩემპიონატის შემდეგ დაინიშნა. საქართველოს ნაკრების ყოფილი მწვრთნელისთვის უზბეკეთი მეორე პოსტსაბჭოთა ქვეყანაა შთამბეჭდავ "შრომის წიგნაკში". 62 წლის კუპერმა "თეთრი მგლები" (უზბეკეთის ნაკრების მეტსახელი) აგვისტოში ჩაიბარა. ადგილობრივ ფეხბურთის ფედერაციასთან მან 3-წლიანი კონტრაქტი გააფორმა ერთი წლით გახანგრძლივების პერსპექტივით, თუკი ნაკრებს ყატარის მუნდიალის საგზურს მოაპოვებინებს.

მისი ხელმძღვანელობით უზბეკეთის ნაკრებმა უკვე 4 ამხანაგური მატჩი ჩაატარა - 1:1 ითამაშა სირიასთან, 0:1 დამარცხდა ირანთან და გაიმარჯვა ბოლო ორ შეხვედრაში - ერთნაირი ანგარიშით 2:0 სძლია ჩრდილოეთ კორეასა და ყატარს.

უზბეკური გრანდის, ლეგენდარული ტაშკენტის "ფახთაქორის" მწვრთნელად შოთა არველაძე რომ მუშაობას, ამის შეხსენება არ გჭირდებათ. ცოტა ხნის წინ შოთა და კიდევ სამი ადგილობრივი სპეციალისტი მიწვეულები იყვნენ ნაკრების დროებით სამწვრთნელო შტაბში. ეს ის პერიოდია, როცა გუნდს მთავარი მწვრთნელი ჯერ არ ჰყავდა.

შოთასა და კუპერს შორის თანამშრომლობა გარდაუვალია იქიდან გამომდინარე, რომ "ფახთაქორში", როგორც ერთ-ერთ წამყვან უზბეკურ გუნდში, ცოტანი არ არიან ეროვნული გუნდის წევრები თუ კანდიდატები.

ამ ფოტოებს რომ ხედავთ, სწორედ ამ თანამშრომლობას ასახავს. უზბეკეთის ნაკრებს იანვრიდან ოფიციალური მატჩების გამართვა მოუწევს და კუპერი აქედანვე ატარებს კონსულტაციებს წამყვანი კლუბების მწვრთნელებთან.

2325
მკითხველის კომენტარები / 0 /
მსგავსი ამბები
რუბრიკის სხვა სიახლეები
;