შოთა არველაძე უელსთან ლეგენდარულ მატჩს იხსენებს

ქართული სპორტული სამყარო უელსთან მატჩის მოლოდინშია - "ბორჯალოსნები" 18 ნოემბერს კარდიფში "პტინსიპალიტიზე" ითამაშებენ.

16 ნოემბრს კი, უელსთან დიდი გამარჯვებიდან 23 წელი გავიდა. საქართველოს საფეხბურთო ნაკრებმა ევრო-1996-ის შესარჩევ ეტაპზე უელსელებს 5:0 სძლია.

ეს თარიღი არ დავიწყებია შოთა არველაძეს, რომელმაც თავისი "ფეისბუქის" ოფიციალურ გვერდზე ლეგენდარული მატჩი მოკლედ გაიხსენა:

"23 წლის წინ, 16 ნოემბერს, უელსის ეროვნულ ნაკრებს 5:0 მოვუგეთ. როცა ჩამოგვითვალეს, რა გუნდებში თამაშობდნენ მეტოქის ფეხბურთელები, გადარეულები ვიყავით.

ნაკრების მწვრთნელი ჩივა (ალექსანდრე ჩივაძე) იყო და გვამშვიდებდა: ბრიტანელებს სულ "ადნაკასანიებით" ვუგებდით და ბურთს თავზე ვამხობდითო.

ცდილობდა, თამაშს თავდაჯერებულები შევხვედროდით. ამინდისაც გვეშინოდა, არ გვინდოდა ეწვიმა, ყველა ამბობდა, უელსელების ამინდია და მოედანზე თავს უფრო კარგად იგრძნობენო. თამაშის დღეს მართლა გაწვიმდა და მერე ყველამ ნახა რაც მოხდა..."

806
მკითხველის კომენტარები / 0 /
მსგავსი ამბები
რუბრიკის სხვა სიახლეები