შოთა მიშველიძემ მსოფლიოს ჩემპიონატზე ბრინჯაო მოიპოვა [VIDEO]

აშშ-ის ქალაქ ანაჰაიმში დაწყებულ ძალოსანთან მსოფლიოს ჩემპიონატზე საქართველოს ნაკრებმა პირველი მედალი მოიპოვა. თბილისის დროით 30 ნოემბერს დილით, 62 კგ წონით კატეგორიაში ბრინჯაოს მედლის მფლობელი შოთა მიშველიძე გახდა.

მიშველიძემ ორჭიდის ჯამში 298 კილოგრამი დაძლია. აკვრაში მან სამივე ცდა წარმატებით გამოიყენა (148.157.163.). ატაცში პირველი მისვლა (130 კგ.) ვერ გამოიყენა, თუმცა დარჩენილ ორს (130.135) თავი იოლად გაართვა. საბოლოოდ მიშველიძე ატაცში მე-4 ადგილს დასჯერდა.

ამ წონაში ჩემპიონი კოლუმბიელი ანტონიო მოსკერა ვალენსია გახდა. 

მსოფლიოს ჩემპიონატზე საქართველოს კიდევ სამი წარმომადგენელი იასპარეზებს: 3 დეკემბერს ფიცარნაგზე რევაზ დავითაძე (85) წარსდება, 5-ში - ანასტასია გოტფრიდი (90), 6-ში კი - ოლიმპიური, მსოფლიოს და ევროპის ჩემპიონი ლაშა ტალახაძე (+105).

2113
მკითხველის კომენტარები / 0 /
მსგავსი ამბები
რუბრიკის სხვა სიახლეები
;