შუქურა-საბურთალო 1:2 - შუქურა ეროვნულ ლიგას დაემშვიდობა

გავრცელებული ჭორები, რომ "საბურთალო" "შუქურას" "გაატარებდა", ჭორადვე დარჩა - გიორგი ჭიაბრიშვილის გუნდმა ამჯერადაც არ იკადრა ის, რასაც ადრეც არ კადრულობდა და მიუხედავად იმისა, რომ მე-4 ადგილი დაიკავა, ამჯერადაც ბოლომდე იბრძოლა.

ანგარიში 21-ე წუთზე გახსნეს: ნომინალურმა მასპინძლებმა ნოდარ იაშვილის ჩაწოდებული ბურთი უხეიროდ მოიგერიეს და ელვინ ტერამ ეროვნულ ლიგაში პირველი გოლი გაიტანა 0:1.

65-ე წუთზე თორნიკე თარხნიშვილმა საჯარიმოსთან ნდუე მუიეცი მოძებნა, რომელმაც მეკარესთან პირისპირ ისევ ტერა დატოვა და მან დუბლი შეასრულა 0:2.

ეს "შუქურასთვის" კატასტროფის ტოლფასი შედეგი იყო. შაშიაშვილის გაწვრთნილებმა ბოლომდე იბრძოლეს, მაგრამ მხოლოდ ის მოახერხეს, რომ სხვაობა შეამცირეს - ჯარიმა სანდრო გურულმა ძალიან კარგად შეასრულა - 1:2.

ქობულეთის "შუქურა" ეროვნულ ლიგას დაემშვიდობა - გუნდი, რომელმაც ჩემპიონატი ცუდად დაიწყო, მაგრამ მეორე ნახევარი გიორგი შაშიაშვილის ხელში გამოცოცხლდა.

ქობულეთელებმა ბოლო ტურამდე იბრძოლეს, ხავსს ეჭიდებოდნენ და ცდილობდნენ, ლიგაში ადგილი შეენარჩუნებინათ. მაგრამ პირველ ნახევარში იმდენი ქულა გაანიავეს, რომ ამოცანის შესრულება შეუძლებელი აღმოჩნდა.

შუქურა
1
საბურთალო
2

26.11. სამტრედია. ეროსი მანჯგალაძე
გოლები: 0:1 ტერა (21), 0:2 ტერა (65), 1:2 ა. გურული (74)
შუქურა: სომხიშვილი - ჩადუნელი, გოგიტიძე, პომაზანი (64. ჩაჩუა) - ჯეფინიო, კლიმიაშვილი, მარსელინიო (85. გოგილაშვილი), გურული - ართმელაძე (46. ჩაგელიშვილი), შალამბერიძე, კახელიშვილი
სათადარიგოები: მელნიჩენკო, კალანდაძე, მალაზონია, დასე
მწვრთნელი: გიორგი შაშიაშვილი
საბურთალო: გოშაძე - იაშვილი, ცნობილაძე, თედორე გრიგალაშვილი, ლაკვეხელიანი - მამუჩაშვილი, ელვინ ტერა - გვარაძე (84. შინდაგორიძე), თარხნიშვილი, ვოლკოვი (55. კოხრეიძე) - მუეცი (68. იმნაძე)
სათადარიგოები: კუპატაძე, მარგველაშვილი, შინდაგორიძე, ჩაბრაძე, იმნაძე, კოხრეიძე
მწვრთნელი: გიორგი ჭიაბრიშვილი
გაფრთხილება: კახელიშვილი (86), კლიმიაშვილი (90+1)
არბიტრი: პ. მაჭარაძე

ბომბარდირები
ი. სიხარულიძე (ლოკომოტივი) 25
ბ. მიქელთაძე (დინამო თბ) 15
თ. კაპანაძე (ტორპედო) 14
დ. ტატანაშვილი (ჩიხურა) 15
გ. ხარაიშვილი (საბურთალო) 13

 

ყოველდღიური სპორტული გაზეთი "ლელო"
446
მკითხველის კომენტარები / 0 /
მსგავსი ამბები
რუბრიკის სხვა სიახლეები