ჩავუღრმავდეთ ერთა ლიგის ახალ ფორმატს: აქვს საქართველოს მუნდიალი 2022-ზე მოხვედრის შანსი?

უეფას ახალი ტურნირი ერთა ლიგა მოგეხსენებათ 2020 წლიდან სახეშეცვლილი ფორმატით გაიმართება. 55 ნაკრები გადანაწილდება 4 ლიგაში. 16-16 ნაკრებისგან დაკომპლექტდება A, B, და C ლიგები (ერთა ლიგის პირველ გათამაშებაში დაკავებული ადგილების მიხედვით), ხოლო D ლიგაში 7 ნაკრები მოიყრის თავს.

A, B, და C ლიგებში 4-4-გუნდიანი ოთხი ჯგუფი შეიქმნება, D ლიგაში დარჩენილი 7 ნაკრები კი ორ ჯგუფს ჩამოაყალიბებს (ერთი 4-გუნდიანი, ერთიც 3-გუნდიანი).

A ლიგის ჯგუფებში გამარჯვებული გუნდები 2021 წლის ივნისში ერთა ლიგის გამარჯვებულს გამოავლენენ (ნახევარფინალი, მატჩი მესამე ადგილისათვის და ფინალი).

B ლიგაშიც ოთხი 4-გუნდიანი ჯგუფი შეიქმნება, გამარჯვებულები ახალ გათამაშებაში აინაცვლებენ A ლიგაში, მეოთხეადგილოსნები დაქვეითდებიან C ლიგაში.

რაც შეეხება C ლიგას (სადაც ითამაშებს საქართველოს ნაკრები), ჯგუფების გამარჯვებული 4 ნაკრები მომავალ გათამაშებაში B ლიგის საგზურს მოიპოვებს.

მეოთხეადგილოსნები კი ორთამაშიანი პლეი ოფის მატჩებში (შინ და სტუმრად) გაარკვევენ იმ ორი უარესი ნაკრების ვინაობას, რომელიც დაქვეითდება D ლიგაში.

2020/21 წლების კალენდარი

წილისყრა: 3 მარტი 2020, ამსტერდამში
I ტური: 3-5 სექტემბერი, 2020
II ტური: 6-8 სექტემბერი, 2020
III ტური: 8-10 ოქტომბერი, 2020
IV ტური: 11-13 ოქტიმბერი, 2020
V ტური: 12-14 ნოემბერი, 2020
VI ტური: 15-17 ნოემბერი, 2020

ფინალური ეტაპის წილისყრის თარიღი მოგვიანებით გახდება ცნობილი, ფინალური ეტაპი კი 2021 წლის 2-6 ივნისს გაიმართება


რომელი ნაკრები რომელ ლიგაში ითამაშებს

2020/21 წლების ერთა ლიგის შემადგენლობა ლიგების მიხედვით ასე გამოიყურება:

A ლიგა: პორტუგალია (ჩემპიონი), ჰოლანდია, ინგლისი, შვეიცარია, ბელგია, საფრანგეთი, იტალია, ბოსნია, უკრაინა, დანია, შვედეთი, ხორვატია, პოლონეთი, გერმანია, ისლანდია.

B ლიგა: რუსეთი, ავსტრია, უელასი,ჩეხეთი, შოტლანდია, ნორვეგია, სერბეთი, ფინეთი, სლოვაკეთი, თურქეთი, ირლანდია, ჩრდ. ირლანდია, ბულგარეთი, ისრაელი, უნგრეთი, რუმინეთი.

C ლიგა: საბერძნეთი, ალბანეთი, ჩერნოგორია, საქართველო, ჩრდ. მაკედონია, კოსოვო, ბელარუსი, კვიპროსი, ესტონეთი, სლოვენია, ლიეტუვა, ლუქსემბურგი, სომხეთი, აზერბაიჯანი, ყაზახეთი, მოლდოვა.

D ლიგა: გიბრალტარი, ფარერები, ლატვია, ლიხტენშტაინი, ანდორა, მალტა, სან მარინო.

კალათები

როგორც ზემოთ აღვნიშნეთ, ერთა ლიგის ახალი გათმაშების წილისყრა 2020 წლის 3 მარტს ამსტერდამში გაიმართება. უეფამ წილისყრისთვის ტურნირში მონაწილები ნაკრებების კალათების მიხედვით გაანაწილა, გეტყვით, რომ საქართველოს ნაკრები C ლიგაში პირველ კალათაში მოხვდა. კალათები სრულად ასე გამოიყურება:


A ლიგა

I კალათა: პორტუგალია, ჰოლანდია, ინგლისი, შვეიცარია.
II კალათა: ბელგია, საფრანგეთი, ესპანეთი, იტალია.
III კალათა: ბოსნია, უკრაინა, დანია, შვედეთი.
IV კალათა: ხორვატია, პოლონეთი, გერმანია, ისლანდია.


B ლიგა


I კალათა: რუსეთი, ავსტრია, უელსი, ჩეხეთი.
II კალათა: შოტლანდია, ნორვეგია, სერბეთი, ფინეთი.
III კალათა: სლოვაკეთი, თურქეთი, ირლანდია, ჩრდ. ირლანდია.
IV კალათა: ბულგარეთი, ისრაელი, უნგრეთი, რუმინეთი.


C ლიგა

I კალათა: საბერძნეთი, ალბანეთი, ჩერნოგორია, საქართველო.
II კალათა: ჩრდ. მაკედონია, კოსოვო, ბელარუსი, კვიპროსი.
III კალათა: ესტონეთი, სლოვენია, ლიეტუვა, ლუქსემბურგი.
IV კალათა: სომხეთი, აზერბაიჯანი, ყაზახეთი, მოლდოვა.

D ლიგა

I კალათა: გიბრალტარი, ფარერები, ლატვია, ლიხტენშტაინი.
II კალათა: ანდორა, მალტა, სან მარინო.



ერთა ლიგიდან მუნდიალი 2022-ზე

2022 წლის მსოფლიოს ჩემპიონატზე ევროპიდან 13 გუნდი ითამაშებს. მათგან 10 ნაკრები შესარჩევი ეტაპიდან პირდაპირ მოხვდება (10 ჯგუფის პირველადგილოსნები), კიდევ 3 გუნდი პლეი ოფიდან გავა მუნდიალზე.

პლეი ოფში ჩაებმება შესარჩევის ყოველი ჯგუფის მეორეადგილოსანი (10) და ერთა ლიგის 2020-21 სეზონის A ლიგის საუკეთესო დუეტი.

3776
მკითხველის კომენტარები / 0 /
მსგავსი ამბები
რუბრიკის სხვა სიახლეები
;