'ჩემი სიყვარული და მხარდაჭერა სამუდამოა' - 'არსენალში' ვენგერის ეპოქა სრულდება

ლონდონის "არსენალის" ოფიციალური გვერდის ინფორმაციით, არსენ ვენგერი "მეთოფეებს" მიმდინარე სეზონის ბოლოს დატოვებს.

ფრანგმა სპეციალისტმა სპეციალური წერილიც გამოაქვეყნა, სადაც ის "არსენალზე" ფანებსა და მის კლუბისადმი სიყვარულზე საუბრობს

"კლუბის ხელმძღვანელობასთან ხანგრძლივი საუბრისა და  განხილვის შემდეგ, ვგრძნობ და მიმაჩნია, რომ ჩემთვის შესაფერისი დროა, სეზონის ბოლოს წავიდე.

"არსენალში" ჩემი ყოფნა დიდი პრივილეგია იყო, მადლობელი ვარ აქ გატარებული წლებისთვისა და დაუვიწყარი მოგონებებისთვის. მე მინდა დიდი მადლობა გადავუხადო გულშემატკივრებს, კლუბის ხელმძღვანელებს, მოთამაშეებს და ყველას ვინც გუნდს ყოველთვის მხარში ედგნენ და საუკეთესოს ცდილობდნენ.

მოვუწოდებ ფანებს, რომ ბოლომდე გვერდში დაუდგნენ "არსენალს" და სეზონი მაქსიმუმით დავასრულოთ.

ჩემი სიყვარული და ერთგულება სამუდამოა"

არსენ ვენგერი ლონდონის "არსენალს" სათავეში 1996 წლიდან ედგა. მან კლუბთან ერთად სამჯერ პრემიერლიგა, შვიდჯერ FA Cup-ი და ასევე შვიდჯერ, FA Community Shield-ის თასი მოიგო.

2006 წელს კი ჩემპიონთა ლიგის ფინალი ითამაშა სადა "ბარსელონასთან" 2:1 დამარცდა

721
მკითხველის კომენტარები / 0 /
მსგავსი ამბები
რუბრიკის სხვა სიახლეები
;