ჩემპიონთა ლიგა. გვარდიოლა: ძალიან ბედნიერი ვარ! კლოპი: რა გითხრათ?

შვეიცარიის ქალაქ ნიონში გაიმართა ჩემპიონთა ლიგის წილისყრა, რომელმაც გუნდები საინტერესოდ დააწყვილა.

მწვრთნელები პირველად შთაბეჭდილებებსაც გვიზიარებენ.

 

აიაქსი (ჰოლანდია)-იუვენტუსი (იტალია)

ფრენკი დე იონგი (აიაქსის ნახევარმცველი):

- "იუვენტუსი" ფავორიტია, მაგრამ წინ გვაქვს "რეალის" ძლევის მაგალითი. ასე რომ, ყველაფერი შესაძლებელია.

ლეონარდო ბონუჩი (იუვეს მცველი):

- წილისყრის შედეგები ვარჯიშის დასრულების შემდეგ შევიტყვეთ. დინამოურ კლუბს ვხვდებით, ბევრი სირბილი მოგვიწევს ორი მატჩის ჯამში, მაგრამ "იუვენტუსს" ისევე შეუძლია გაახაროს ქომაგი, როგორც ეს "ატლეტიკოსთან" გააკეთა.

 

ლივერპული (ინგლისი)-პორტუ (პორტუგალია)

იურგენ კლოპი (ლივერპულის მწვრთნელი):

- რა გითხრათ? "პორტუს" მშვენივრად ვიცნობთ. ეს დაგვეხმარება კიდევ უკეთესად მოვემზადოთ მასთან სათამაშოდ და გასამარჯვებლად.

ხესუს კორონა (პორტუს ნახევარმცველი:

- ვაგრძელებთ ოცნებას. გვჯერა, რომ წინ წავალთ.

 

ტოტენჰემი (ინგლისი)-მანჩესტერ სიტი (ინგლისი)

უგო ლორისი (ტოტენჰემის მეკარე):

- თუ საკუთარი თავისა გჯერა, ყველაფერი შესაძლებელია. წინა სეზონში "რეალი" და "დორტმუნსი" დავამარცხეთ, ამჯერად - "ბარსა". მზად ვართ საბრძოლველად, თუმცა ცოტა იღბალიც გვჭირდება.

ხოსეპ გვარდიოლა (სიტს მწვრთნელი):

- წილისყრით ძალიან გახარებული ვარ. ესაა შანსი ისტორიული შედეგი ვუჩვენოთ. "რეალის" და "ბარსელონასგან" განსხვავებით, "სიტის" მაქსიმუმი ნახევარფინალია, თუმცა ეს აქამდე იყო...

 

ბარსელონა (ესპანეთი)-მანჩესტერ იუნაიტედი (ინგლისი)

დეკუ (ბარსას ყოფილი ფეხბურთელი):

- როდესაც გუნდში მესი გყავს, ყველა მეტოქესთან გაქვს უპირატესობა. თუმცა არა მხოლოდ ამ ფაქტორის გამო "ბარსელონა" ფავორიტია.

კრის სმოლინგი (მანჩესტერ იუნატედის მცველი):

- ბოლო ექვსი კვირის განმავლობაში არაერთი დიდებული გუნდი დავამარცხეთ - "ჩელსი", პსჟ, "ტოტენჰემი"... "ბარსელონაც" დიდებული გუნდია...

1049
მკითხველის კომენტარები / 0 /
მსგავსი ამბები
რუბრიკის სხვა სიახლეები
;