ჩემპიონთა ლიგა. III ტური: მესი-100

 

18 ოქტომბერს გაიმართა ჩემპიონთა ლიგის ჯგუფური ეტაპის მესამე ტურის მატჩები. ცენტრალური შეხვედრა ლონდონში შედგა, სადაც "ჩელსიმ" "რომას" უმასპინძლა.

 

37-ე წუთისთვის ლონდონელები 2:0-ს იგებდნენ, თუმცა კოლაროვის ერთი და ჯეკოს ორი გოლის წყალობით "რომამ" მასპინძლებს 3:2 გაასწრო. მატჩში საბოლოო, მშვიდობიანი წერტილი "ჩელსის" ვარსკვლავმა ედენ აზარმა დასვა - 3:3.

 

ამავე, C ჯგუფში "ატლეტიკომ" აზერბაიჯანში ვერაფერი დააკლო ათკაციან "ყარაბახს" -  0:0.

 

A ჯგუფის ფავორიტებმა გასვლითი გამარჯვებები მოიპოვეს: "მანჩესტერ იუნაიტედმა" "ბენფიკას" 1:0 აჯობა, "ბაზელმა - ცსკა-ს - 2:0.

 

ყველაზე უხვგოლიანი B ჯგუფის ორი შეხვედრა გამოდგა. მიუნხენის "ბაიერნმა" "სელტიკს" 3 უპასუხო გოლი გაუტანა, ხოლო პსჟ-მ "ანდერლეხტს" 4:0 აჯობა. მბაპე, კავანი, ნეიმარი, დი მარია - აი, გოლების ავტორები.

 

"ბარსელონამ" 3:1 დაამარცხა "ოლიმპიაკოსი" და ჯერაც უძლეველია. 61-ე წუთზე ლიონელ მესიმ ევროტურნირებზე თავისი მე-100 გოლი გაიტანა. 42-ე წუთიდან "ბარსა" 10 კაცით თამაშობდა, პიკე გააძევეს.

 

ამავე, D ჯგუფში მინიმალური სხვაობით გაიმარჯვა "იუვენტუსმა", "სპორტინგთან", 2:1.

 

1541
მკითხველის კომენტარები / 0 /
მსგავსი ამბები
რუბრიკის სხვა სიახლეები