ჩემპიონთა ლიგა: პსჟ და ბაიერნი სამშვიდობოს

ჯგუფური ეტაპის დასრულებამდე ორი ტური რჩება, მაგრამ B ჯგუფში გასარკვევი აღარაფერია - "პარი სენ-ჟერმენმა" და მიუნხენის "ბაიერნმა" პირველებმა გაინაღდეს მერვედფინალის საგზურები.

ტურის ცენტრალური მატჩი კი ცალკარა გამოდგა - ანტონიო კონტე უჩვეულოდ ყურებჩამოყრილი უყურებდა "ოლიმპიკოზე", როგორ ნადგურდებოდა მისი "ჩელსი" "რომასთან" დაპირისპირებაში.

სტეფან ელ შაარავიმ პირველივე წუთზე დაამწუხრა "ჩელსი", მანვე დუბლი შეასრულა, მეორე ტაიმში კი დიეგო პეროტიმ გაიტანა და, რომ არა კურტუას კარგი თამაში, "ჩელსი" კიდევ ერთ-ორ გოლს გაუშვებდა - 3:0.

ალბათ, წლების წინ ვერავინ წარმოიდგენდა, რომ "ატლეტიკო" მაისურზე "აზერბაიჯანს" დაიწერდა. ასევე ძალიან ძნელი წარმოსადგენი იყო, რომ დიეგო სიმეონეს გუნდი მადრიდში ქულებს დაკარგავდა აზერბაიჯანულ კლუბთან, მაგრამ ახლა ეს უკვე ფაქტია - 1:1. "ყარაბაღი" მარკოს მიჩელმა დააწინაურა, თუმცა "ატლეტიკო" თომასმა მარცხისგან იხსნა. 59-ედან 88-ე წუთამდე "ყარაბაღმა" 10 კაცით ითამაშა, მაგრამ გაძლო. მიჩელის გოლი ისტორიული პირველი გოლია აზერბაიჯანული კლუბებისთვის ჩემპიონთა ლიგაზე სტუმრად, ქულაც ისტორიულია, თავისთავად...

B ჯგუფში პსჟ-მ 5:0 გაანადგურა "ანდერლეხტი" და ქულათა მაქსიმუმით გაინაღდა მერვედფინალის საგზური. ვერასოდეს გამოიცნობთ, თუ არ გინახავთ, ვინ შეასრულა ჰეთ თრიკი პარიზელთაგან - მარცხენა მცველმა ლეივინ კურზავამ. ფეხბურთელმა, რომელიც პსჟ-ს სუპერვარსკვლავურ შემადგენლობაში ყველაზე სუსტ წერტილად ითვლება. თითო გოლი მარკო ვერატისა და ნეიმარის ანგარიშზეა.

იუპ ჰაინკესმა ერთი მისია უკვე შეასრულა - "ბაიერნი" პლეი ოფში გაიყვანა - გერმანულმა გრანდმა "სელტიკს" მისსავე მოედანზე მოუგო - 2:1. გამარჯვების გოლი ხავი მარტინესის ანგარიშზეა.

"იუვენტუსი" ლისაბონში "სპორტინგთან" მარცხისგან გონსალო იგუაინმა იხსნა - 1:1. ვერ მოიგო ვერც "ბარსელონამ", რომელიც პირეოსში "ოლიმპიაკოსს" დაუზავდა - 0:0. ამ შეხვედრაში ერთ-ერთი ფანი მოედანზე იმიტომ გადმოხტა, რომ ლეო მესისთვის ეკოცნა. მან ეს წარმატებით მოახერხა.

"მანჩესტერ იუნაიტედს" 12 ქულა აქვს, მაგრამ ოფიციალურად ჯერაც არ გაოფორმებია მერვედფინალის საგზური, მაგრამ "ბენფიკასთან" მოგების შემდეგ ჟოზე მოურინიოს გუნდი ამასთან ახლოსაა.

A ჯგუფი
ბაზელი-ცსკა 1:2
გოლები: 1:0 ცუფი (34), 1:1 ძაგოევი (65), 1:2 ვერნბლომი (79)
ბაზელი (3-4-3): ვაჩლიკი - აკანჯი, სუხი, ბალანტა - ლანგი, ტ. ჯაკა (73. სერეი დი), ცუფი, პეტრეტა (84. იტენი) - შტეფენი, ობერლენი (71. აიეტი), ელიუნუსი
ცსკა (3-5-2): აკინფეევი - ვასინი, ვ. ბერეზუცკი, ა. ბერეზუცკი - ფერნანდეში, გოლოვინი, ნათხო (90. ჟამალეტდინოვი ), ვერნბლომი, შენიკოვი - ვიტინიო (46. ძაგოევი), კუჩაევი (90+1. მილანოვი)


მან. იუნ.-ბენფიკა 2:0
გოლი: 1:0 სვილარი (45), 2:0 ბლინდი (78. პენ)
მარსიალმა ვერ გამოიყენა პენალტი (15)
მანჩესტერ იუნაიტედი (4-2-3-1): დე ხეა - სმოლინგი, ბლინდი, დარმიანი, ბეილი - მატიჩი, მაკტომინეი - მატა (68. ერერა), ლინგარდი (46. მხითარიანი), ანდერი, მარსიალი (75. რაშფორდი)- ლუკაკუ
ბენფიკა (4-3-3): სვილარი - დ. პერეირა, ჟარდელი, დიაში, გრიმალდო (64. ელისეუ) - პიცი (78. ჟონასი), ფეისა, სამარისი - სალვიო, ხიმენესი (74. სეფეროვიჩი), დიოგო

B ჯგუფი
პსჟ-ანდერლეხტი 5:0
გოლები: 1:0 ვერატი (30), 2:0 ნეიმარი (45+4), 3:0 კურზავა (52), 4:0 კურზავა (72), 5:0 კურზავა (78)
პსჟ (4-3-3): არეოლა - დანი ალვეში, მარკინიოსი, სილვა, კურზავა - ვერატი (64. ლო სელსო), დრაქსლერი, რაბიო (76. პასტორე) - მბაპე (64. დი მარია), კავანი, ნეიმარი
ანდერლეხტი (4-3-3): ბოეხი - აპია, კარა, სპაიჩი (45+4. სა), ობრადოვიჩი - დენდონკერი, კუმსი ტრებელი - ონიეკურუ (79. სტანკუ), გერკენსი, ჰანი (60. ტეოდორჩუკი)

სელტიკი-ბაიერნი 1:2
გოლები: 0:1 კომანი (22), 1:1 მაკგრეგორი (74), 1:2 მარტინესი (77)
სელტიკი (4-2-3-1): გორდონი - ლუსტიგი, ბოიატა, ტირნი, ბიტონი - არმსტრონგი (79. გრიფიტსი), ბრაუნი - ფორესტი, მაკგრეგორი, სინკლერი (64. როგჩი)- დემბელე
ბაიერნი (4-2-3-1): ულრაიხი - რაფინია, ბოატენგი, სულე, ალაბა - მარტინესი, ტოლისო (83. კიმიხი) - ვიდალი (59. რუდი), რობენი (90+4. ტ. ალკანტარა), კომანი - როდრიგესი

C ჯგუფი
ატლეტიკო-ყარაბაღი 1:1
გოლები: 0:1 მიჩელი (40), 1:1 ტომასი (56)
ატლეტიკო (4-4-2): ობლაკი - გოდინი, ფილიპე ლუიში, სავიჩი, ხუანფრანი - თომასი (62. გაიტანი), საულ ნიგესი, გაბი, ა. კორეა - გამეირო (69. ფ. ტორესი), გრიზმანი
ყარაბაღი (4-4-1-1): შეჰიჩი - მედვედევი, რჟეზნიჩაკი, სადიგოვი, აგოლი - რიჩარდი, გარაევი, გერიე (63. იუნისზადე), პედრო ენრიკე - მიჩელი (90+2. ისამილოვი), შეიდაევი (72. კუინტანა)
გაძევება: პედრო ენრიკე (59), სავიჩი (88)

რომა-ჩელსი 3:0
გოლები: 1:0 ელ შაარავი (1), 2:0 ელ შაარავი (36), 3:0 პეროტი (63),
რომა (4-3-3): ალისონი - ფლორენცი (76. მანოლასი), ფასიო, ჟეზუში, კოლაროვი - ნაინგოლანი, დე როსი, სტროტმანი - ჯეკო, პეროტი (87. პელეგრინი), ელ შაარავი (75. ჟერსონი)
ჩელსი (3-5-2): კურტუა - რიუდიგერი, ლუისი, კეჰილი (56. ვილიანი) - ასპილიკუეტა, ფაბრეგასი (71. დრინქვოთერი), ბაკაიოკო, ალონსო - მორატა (75. ბატშუაი), აზარი, პედრო

D ჯგუფი
სპორტინგი-იუვენტუსი 1:1
გოლები: 1:0 ცესარი (20), 1:1 იგუაინი (79)
სპორტინგი (4-2-3-1): პატრისიო - კოატესი, პინტუ, სილვა, რისტოვსკი (91+1. პეტროვიჩი) - ცესარი (64. პალინია), ბატალია - მარტინში, ფერნანდეში, აკუნია - დოსტი (81. დუმბია)
იუვენტუსი (4-2-3-1): ბუფონი - ბარძალი, კიელინი, ალექს სანდრო, დე შილიო (65. დ. კოშტა), - პიანიჩი, ხედირა - კუადრადო, დიბალა (83. ბერნარდეში), მანჯუკიჩი (70. მატუიდი) - იგუაინი

ბარსელონა-ოლიმპიაკოსი 0:0
ოლიმპიაკოსი (4-5-1): პროტო - ელაბდელაუი, ბოტია, კუტრისი, ენგელსი - ოჯიჯა-ოფოე (75. ჟილე), რომაო, ფიგუეირასი, ტაჩიდისი, გონსალესი (79. პედრო) - ფორტუნისი (84. ჯურჯევიჩი)
ბარსელონა (4-3-3): ტერ შტეგენი - უმტიტი, სემედო, მასკერანო, ალბა - პაულინიო (62. რაკიტიჩი), ბუსკეტსი, რობერტო (45+1. დეულოფეუ) - მესი, ლ. სუარესი, დ. სუარესი (75. ანდრე გომეში)

1256
მკითხველის კომენტარები / 0 /
მსგავსი ამბები
რუბრიკის სხვა სიახლეები
;