ჩემპიონთა ლიგა. შერმადინი კვლავ უძლეველია - 15 ქულა

ჩემპიონთა ლიგაზე გიორგი შერმადინის "ტენერიფემ" მეოთხე მატჩი გამატრთა და მეოთხე გამარჯვება იზეიმა.

კუნძულელებმა ამჯერად ჩეხეთში "ნიმბურკთან" მოიგეს - 78:68. სწორედ "ნიმბურკი" იყო "ტენერიფეს" უშუალო კონკურენტი მესამე ჯგუფში. ურთიერთშეხვედრამდე ორივე გუნდი წაუგებელი იყო, თუმცა ესპანელებმა დაამტკიცეს, რომ არა მხოლოდ ამ ჯგუფში, მთლიანად ჩემპიონთა ლიგაზე ფავორიტები არიან.

გიორგი შერმადინი სასტარტო ხუთეულში იყო, 22 წუთში 15 ქულა, 3 მოხსნა და 2 ჩაჭრა მოაგროვა. გიომ 12-დან 6 ორქულიანი და 5-დან 3 საჯარიმო ჩააგდო. მატჩის ბომბარდირი ტენერიფელი ლაჰაუ კანოტე გახდა, რომელმაც 17 ქულა ჩააგდო.

მომდევნო ტურში შერმადინის გუნდი თურქულ "გაზიანთეფს" უმასპინძლებს. მატჩი 13 ნოემბერს გაიმართება.

538
მკითხველის კომენტარები / 0 /
მსგავსი ამბები
რუბრიკის სხვა სიახლეები
;