ჩემპიონთა ლიგა. 1/8 ფინალი: მანჩესტერი საფრანგეთში ნახევაარი გუნდით ჩადის, 'რომას' ბედი კი, დრაგაუზე გაირკვევა

პორტუგალიასა და საფრანგეთში კიდევ ორი მეოთხედფინალისტის ვინაობა გაირკვევა. თუ პარიზში აშკარა ფავორიტი “პარი სენ-ჟერმენია”, პორტუში ასეთის დასახელება გაგვიჭირდება.

პსჟ (2:0) მანჩესტერი 23:59
პარკ დე პრენსი. 6 მარტი
სავარაუდო შემადგენლობები

პსჟ (4-3-3): ბუფონი - კერერი, ტიაგო სილვა, კიმპემბე, ბერნატი - დანი ალვეში, ვერატი, მარკინიოსი - დრაქსლერი, მბაპე, დი მარია
მანჩესტერი (4-4-2): დე ხეა - იანგი, ლინდელიოფი, სმოლინგი, შოუ - ფრედი, მაკტომინეი, პერეირა, დალო - ლუკაკუ, რაშფორდი
არ ითამაშებენ: ნეიმარი - ანდერ ერერა, ლინგარდი, მატა, მატიჩი, პოგბა, ვალენსია, სანჩესი
საეჭვოა: კავანი, ნსოკი - ჯონსი, მარსიალი
არბიტრი: დამირ სკომინა (სლოვენია)

ოლე გუნარ სულშერის მისვლის შემდეგ “მანჩესტერ იუნაიტედი” სულ სხვანაირად ათამაშდა, მაგრამ ყველაზე მთავარი გამოცდა “წითელმა ეშმაკებმა” ვერ ჩააბარეს - “ოლდ ტრაფორდზე” “პარი სენ-ჟერმენთან” 0:2 წააგეს. პირველ თამაშში პრესნელ კიმპემბესა და კილიან მბაპეს გოლებით ფრანგებმა იმარჯვეს და დღევანდელი სიტუაციიდან გამომდინარე, ძნელია იმის დაჯერება, რომ ინგლისელებმა შეძლონ დუელში თამაშის შემოტრიალება.

ორივე გუნდს სერიოზული დანაკლისი აქვს. ნეიმარის თამაში გამორიცხულია, დიდი ალბათობით, არც ედინსონ კავანი იქნება. საეჭვოა მონიეს, ნსოკისა და რაბიოს თამაშიც.

კიდევ უფრო დიდი პრობლემები აქვს ნორვეგიელ სპეციალისტს - პოლ პოგბა დისკვალიფიცირებულია, ვალენსიას, დარმიანის, მატას, ანდერის, ლინგარდის, სანჩესის, მატიჩის და ალბათ მარსიალისა და ჯონსის თამაში კი გამორიცხული. მოკლედ, “მანჩესტერს” ერთი გუნდი აკლია.

პარიზელთა რიგებში ფრთხილად უნდა იყვნენ კერერი, დრაქსლერი და ვერატი, ყვითელი ბარათის შემთხვევაში ისინი პირველ მეოთხედფინალურ მატჩს გამოტოვებენ, თუკი პსჟ იქ გააღწევს.

ფაქტები

* პსჟ-მ ჩემპიონთა ლიგის ბოლო სამი მატჩი მოიგო.

* პსჟ-მ ჩემპიონთა ლიგის ბოლო 7 შეხვედრიდან 6-ში სულ მცირე, 2 გოლი გაიტანა.

* “იუნაიტედი” ბოლოს მეოთხედფინალში 2014 წელს გავიდა, ხოლო პსჟ - 2016 წელს.

* მეოთხედფინალის წილისყრა 15 მარტს გაიმართება.

პორტუ (1:2) რომა 23:59
დრაგაუ. 6 მარტი
სავარაუდო შემადგენლობები

პორტუ (4-3-3): კასილიასი - მილიტაო, პეპე, ფელიპე, ალექს ტელიესი - დანილო, ერერა, ოლივერ ტორესი - კორონა, ბრაიმი, მარეგა
რომა (4-3-3): ოლსენი - ფლორენცი, მანოლასი, ფასიო, კოლაროვი - კრისტანტე, დე როსი, პელეგრინი - ძანიოლო, ჯეკო, ელ შაარავი
არ ითამაშებენ: - იუნდერი

საეჭვოა: - მანოლასი, ძანიოლო
არბიტრი: ჯიუნიეთ ჩაკირი (თურქეთი)

ამ გუნდების პირველ მატჩში “ოლიმპიკოზე” ახალი ვარსკვლავი დაიბადა - “პორტუს” კარში დუბლი ახალგაზრდა ნიკოლო ძანიოლომ შეასრულა, თუმცა ესპანელმა ადრიან ლოპესმა პორტუგალიელებს კარგი შანსი დაუტოვა - 2:1.

მასპინძლებს საკადრო პრობლემები არ აქვთ, ხოლო “რომას” ჯენგიზ იუნდერი არ ეყოლება, საეჭვოა მანოლასისა და წინა დაპირისპირების გმირის, ძანიოლოს თამაში. იტალიის ჩემპიონატში “რომას” ალექსანდარ კოლაროვი გაუძევეს, თუმცა ჩემპიონთა ლიგაზე მას თამაში შეუძლია. პატრიკ შიკი გამოჯანმრთელდა და მას “პორტუსთან” თამაში შეუძლია. კოსტას მანოლასის თამაში მწვრთნელმა რომაულ დერბიში ვერ გარისკა, თუმცა ლიგაზე მას სხვა გზა არ აქვს, ბერძნის გარეშე დაცვა ძალიან სუსტად გამოიყურება.

ფაქტები

* ჩემპიონთა ლიგაზე რომას ბოლო 11 მატჩიდან 10-ში 2.5 გოლზე მეტი გავიდა.

* ჩემპიონთა ლიგაზე პორტუს ბოლო 5 მატჩში 2.5 გოლზე მეტი დაფიქსირდა.

* “პორტუმ” ჩემპიონთა ლიგის მეოთხედფინალში ბოლოს 2014/15 წლების სეზონში ითამაშა.

ყოველდღიური სპორტული გაზეთი "ლელო"
757
მკითხველის კომენტარები / 0 /
მსგავსი ამბები
რუბრიკის სხვა სიახლეები
;