[განახლებული] ჩემპიონთა ლიგა. სასწაული შემობრუნება ტურინში, დაუნდობელი 'სიტი' და 'რეალი' [VIDEO]

ჩემპიონთა ლიგა.
IV ტური.
ოთხშაბათის მატჩები

           
E ჯგუფი            
 
1. ბაიერნი 4 3 1 0 7:1 10
2. აიაქსი 4 2 2 0 6:2 8
3. ბენფიკა 4 1 1 2 4:6 4
4. აეკ 4 0 0 4 2:10 0
             
F ჯგუფი            
 
1. მანჩესტერ სიტი 4 3 0 1 12:3 9
2. ლიონი 4 1 3 0 9:8 6
3. ჰოფენჰაიმი 4 0 3 1 8:9 3
4. შახტარი 4 0 2 2 4:13 2
             
G ჯგუფი            
 
1. რეალი 4 3 0 1 10:2 9
2. რომა 4 3 0 1 10:4 9
3. ცსკა 4 1 1 2 4:7 4
4. პლზენი 4 0 1 3 3:14 1
             
H ჯგუფი            
 
1. იუვენტუსი 4 3 0 1 7:2 9
2. მანჩესტერ იუნ 4 2 1 1 5:2 7
3. ვალენსია 4 1 2 1 4:4 5
4. იანგ ბოიზი 4 0 1 3 2:10 1

 

E ჯგუფი
ბაიერნი-აეკ 2:0
გოლები: 1:0 ლევანდოვსკი (31-პენ), 2:0 ლეანდოვსკი (71)
ბაიერნი (4-3-3): ნოიერი - კიმიხი, ბოატენგი, ჰუმელსი, ალაბა - მიულერი, ხავი მარტინესი, გორეტცკა - გნაბრი (87. რენატო სანჩესი), ლევანდოვსკი, რიბერი (84. რაფინია).
აეკ (5-3-2): ბარკასი - ბაკაკისი, ლამბროპულოსი, ჩიგრინსკი, კოშიჩი, ჰულტი - გალანოპულოსი (78. გალო), ანდრე სიმოეში, ალეფი (67 მორანი) - მანტალოსი (79. ბოიე), პონსე.



ბენფიკა-აიაქსი 1:1
გოლები: 1:0 ჟონასი (29), 1:1 ტადიჩი (61)
ბენფიკა (4-3-3): ვლახოდიმოსი - ანდრე ალმეიდა, დიასი, ჟარდელი, გრიმალდო - ჟედსონ ფერნანდესი (75. პიცი), ფეისა, გაბრიელი - სალვიო (48. რაფა სილვა), ჟონასი (55. სეფეროვიჩი), ჩერვი.
აიაქსი (4-3-3): ონანა - მაზრაუი, დე ლიგტი, ბლინდი, ტალიაფიკო - დე იონგი (86. ვობერი), შიონე, ვან დე ბეეკი - ნერესი (74. დოლბერგი), ტადიჩი, ზიეჩი.

F ჯგუფი
მანჩესტერ სიტი-შახტარი 6:0
გოლები: 1:0 დავიდ სილვა (13), 2:0 გაბრიელ ჟესუსი (24-პენ), 3:0 სტერლინგი (49), 4:0 გაბრიელ ჟესუსი (72-პენ), 5:9 მაჰრეზი (84), 6:0 გაბრიელ ჟესუსი (90+2)
მანჩესტერ სიტი (4-3-3): ედერსონი - უოკერი (61. დანილო), სტოუნზი, ლაპორტი, ზინჩენკო - დავიდ სილვა (73. გიუნდოგანი), ფერნანდინიო (76. დელფი), ბერნარდო სილვა - მაჰრეზი, გაბრიელ ჟესუსი, სტერლინგი.
შახტარი (4-2-3-1): პიატოვი - მატვიენკო, კრივცოვი, რაკიტსკი, ისმაილი - სტეპანენკო, მაიკონი (77. ალან პატრიკი) - ტაისონი (77. ველინგტონი), კოვალენკო, ბოლბატი - ჟუნიორ მორაეში (63. კაიოდი).



ლიონი-ჰოფენჰაიმი 2:2
გოლები: 1:0 ფეკირი (20), 2:0 ნდომბელე (28), 2:1 კრამარიჩი (65), 2:2 კადერჟაბეკი (90+2)
ლიონი (5-3-2): ლოპესი - რაფაელი, მარსელო, მორელი, დენაიერი, მენდი - ნდომბელე (88. შეიხი), ტუსარი, აუარი - დეპაი (87. ტრაორე), ფეკირი (74. დემბელე).
ჰოფენჰაიმი (3-4-3): ბაუმანი - კასიმი, ფოგტი, ბიჩაკჩიჩი - კადერჟაბეკი, გრილიტში (57. ნელსონი), დემირბაი (79. ნორდტვეიტი), შულცი - ბელფოდილი (67. შალაი), ჟოელინტონი, კრამარიჩი.
გაძევება: კასიმი (51. ჰოფენჰაიმი)

G ჯგუფი
ცსკა-რომა 1:2
გოლები: 0:1 მანოლასი (4), 1:1 სიგურდსონი (50), 1:2 პელეგრინი (59)
ცსკა (4-3-2-1): აკინფეევი - ფერნანდესი (12. შჩენიკოვი), მაგნუსონი, როდრიგო ბეკაო, ნაბაბკინი - ახმეტოვი (76. ხოსონოვი), ბიჟოლი, ობლიაკოვი - ვლასიჩი, სიგურდსონი (64. ჩერნოვი) - ჩალოვი.
რომა (4-2-3-1): ოლსენი - სანტონი, მანოლასი, ფასიო, კოლაროვი - ნ'ზონზი, კრისტანტე - ფლორენცი (88. ჟუან ჟესუსი), ლო. პელეგრინი (82. ძანიოლო), კლუივერტი (70. ჩენგიზ უნდერი) - ჯეკო.
გაძევება: მაგნუსონი (56. ცსკა)

პლზენი-რეალი 0:5
გოლები: 0:1 ბენზემა (21), 0:2 კაზემირო (23), 0:3 ბენზემა (37), 0:4 ბეილი (40), 0:5 კროოსი (67)
პლზენი (4-2-3-1): ჰრუშკა - რეზნიკი, ჰეიდა, ჰუბნიკი, ლიმბერსკი - პროხაზკა, ჰროსოვსკი - ჰაველი (38. პეტრჟელა), ჩერმაკი (61. ჰორავა), კოპიჩი - ჩორი (80. რეზნიჩეკი).
რეალი (4-3-3): კურტუა - ოდრიოსოლა, სერხიო რამოსი (59. სანჩესი), ნაჩო, რეგილონი - სებალიოსი, კაზემირო, კროოსი (73. ისკო) - ლუკასი, ბენზემა (62. ჟუნიორ ვინისიუსი), ბეილი.



H ჯგუფი
ვალენსია-იანგ ბოიზი 3:1
გოლები: 1:0 მინა (14), 1:1 ასალე (37), 2:1 მინა (42), 3:1 სოლერი (56)
ვალენსია (4-4-2): ნეტო - ვასი, გარაი, გაბრიელი, გაია - სოლერი, კოკლენი, კონდოგბია (87. ვეზო), გედეში (75. ტორესი) - როდრიგო, მინა (68. გამეირო).
იანგ ბოიზი (4-4-2): ფონ ბალმოსი - მბაბუ, ლოპერი, ფონ ბერგენი, ბენიტო - ფასნახტი (61. ნსამე), სოვი, სანოგო, ნგამალო (46. სულეიმანი) - ასალე, ოარო (75. აებიშერი).
გაძევება: სანოგო (77. იანგ ბოიზი)

იუვენტუსი-მანჩესტერ იუნ 1:2
გოლები: 1:0 კრიშტიანო რონალდო (65), 1:1 ხუან მატა (86), 1:2 ბონუჩი (90-საკ. კარში)
იუვენტუსი (4-3-3): შჩესნი - დე შილიო (83. ბარძალი), ბონუჩი, კიელინი, ალექ სანდრო - ხედირა (61. მატუიდი), პიანიჩი, ბენტანკური - კუადრადო (90+2. მანჯუკიჩი), დიბალა, კრიშტიანო რონალდო.
მანჩესტერ იუნ (4-3-3): დე ხეა - იანგი, ლინდელოფი, სმოლინგი, შოუ - ერერა (79. ხუან მატა), მატიჩი, პოგბა - ლინგარდი (70. რეშფორდი), სანჩესი (79. ფელაინი), მარსიალი.



ჩემპიონთა ლიგის მიმოხილვა ორი ადრეული შეხვედრით დავიწყოთ. "ვალენსიამ" პლეი ოფში გასვლის პრაქტიკული შანსი შეინარჩუნა. ხატოვნად შეიძლება დავწეროთ, რომ "იანგ ბოიზი" მინაზე აფეთქდა - ამ შეხვედრაში საუკეთესო იყო სანტი მინა, ვინც ორი გოლი შეაგდო შვეიცარიის ჩემპიონის კარში.
სწორედ მინას გოლით დაწინაურდნენ ბოლო დროს ცუდ დღეში მყოფი მასპინძლები. "ღამურები" ძალიან ცუდად თამაშობდნენ დაცვაში და ასალემ წონასწორობა აღადგინა, თუმცა პირველი ტაიმის ბოლოს მინამ ისევ შეაგდო. მეორე ტაიმში კი სოლერმა ინდივიდუალური ოსტატობის ხარჯზე შექმნა მესამე გოლი. თამაში ძალიან უხეში იყო. მეორე ნახევარში მინდვრიდან სტუმარი სანოგო მიაბრძანა.
მეორე ადრეულ შეხვედრაში კოსტას მანოლასმა თამაშის დასაწყისშივე გაუტანა მოსკოველ არმიელებს. მეორე ნახევარში სიგურდსონმა გააყაიმა, მაგრამ ლორენცო პელეგრინის გოლმა ყველაფერი თავის ადგილზე დააყენა და გამარჯვება იტალიელებს არგუნა. გაძევების გარეშე არც ამ შეხვედრაშ ჩაუვლია. 30-ე წუთზე მინდორი მაგნუსონს დაატოვებინეს.
კრიშტიანო რონალდო "მანჩესტერ იუნაიტედს" შეხვდა და დამარცხდა. ეს იყო მარცხი წარსულთან. თამაში სასწაული გამოვიდა. "ბებერი ქალბატონი" აშკარად სჯობდა მოწინააღმდეგეს და დამარცხებას არ იმსახურებდა, მაგრამ ფეხბურთს რას გაუგებ. 65-ე წუთზე, ლეონარდო ბონუჩის შესანიშნავი პასის შემდეგ, რონალდომ ანგარიში ისე გახსნა, რომ ბურთი მიწაზე არცკი დაუშვია. ულამაზესი გოლი გამოვიდა. თამაშის დასრულებამდე ოთხი წუთით ადრე ხუან მატამ უზადოდ შესრულებული ჯარიმით გაათანაბრა, მერე კი, სამ წუთში, "იუნაიტედის" კართან დიდი არეულობა მოხდა და ალექს სანდრომ ავტოგოლი მიითვალა.
არანაკლებ "ცხელოდა" თამაშის შემდეგ, როცა ჟოზე მოურინიომ ჩვეული ორაზროვანი ჟესტებით გვარიანად გააღიზიანა ადგილობრივი პუბლიკა და "იუვეს"ფეხბურთელები.
სათქმელია, რომ "იუვენტუსს" მოუვიდა ის, რაც ძალიან იშვიათად მოსდის ხოლმე. თამაშის ბოლოსკენ მასიმილიანო ალეგრის გუნდმა კონცენტრაცია დაკარგა და ამის გამო დაისაჯა. იყო მწვრთნელის რამდენიმე გაუგებარი სვლაც.
"რეალმა" გამოიღვიძა. "სამეფო კლუბმა" გასვლაზე 5 უპასუხო გოლი შეუგდო ჩეხეთის ჩემპიონ "პლზენს" და ყველა - ერთიმეორეზე ლამაზი. განსაკუთრებით კარგი გამოვიდა ქარიმ ბენზემას მიერ გატანილი ორიდან ერთი გოლი. ფრანგმა ბურთთან ერთად იცეკვა და ისე შეაგდო. "მარკას" ცნობით, გადაწყვეტილია, რომ სეზონის ბოლომდე გუნდს სანტიაგო სოლარი გაწვრთნის.
"ბაიერნმა" რობერტ ლევანდოვსკის დუბლის წყალობით შინ შანსი არ დაუტოვა აეკ-ს. რა თქმა უნდა, "რეკორდმაისტერი" მთელი შეხვედრის განმავლობაში სჯობდა მოწინააღმდეგეს, მაგრამ მისი თამაში მაინც აშკარად შორს იყო იდეალურისგან.
უპრინციპულეს მატჩში დიდი ბრძოლა გააჩაღეს "ბენფიკამ" და "აიაქსმა". ჟონასმა მეკარე ონანას სულელური შეცდომის შემდეგ დააწინაურა პორტუგალიელები, თამაშის დასრულებამდე ნახევარი საათით ადრე კი დუშან ტადიჩმა წონასწორობა აღადგინა.
"სიტიმ" მოლოდინისამებრ საშინაო ასპარეზზე "დაბომბა" დავით ხოჭოლავას (სათადარიგო იყო) გარეშე მოთამაშე "შახტარი". კაცნაკლულმა "ჰოფენჰაიმმა" კი ნამდვილი გმირობა ჩაიდინა ლიონში და ათი კაცით ორბურთიანი დეფიციტი ამოქაჩა - 2:2.
 

ყოველდღიური სპორტული გაზეთი "ლელო"
599
მკითხველის კომენტარები / 0 /
მსგავსი ამბები
რუბრიკის სხვა სიახლეები