ჩვენი ოქრო პოლონეთში. უკრაინელმა საქართველოსთვის აიტაცა...

უკრაინელმა ძალოსანმა ანტონ პლესნოიმ 2017 წელს მიიღო საქართველოს მოქალაქეობა და შარშანვე 94 კილოში ჩვენი ქვეყნის ჩემპიონი გახდა. 22 წლის ათლეტმა წლეულს იმავე წონაში ტიტული შეინარჩუნა - 173 კილო აიტაცა, 202 კილო აკრა და ორჭიდში 375 კილოს მოუყარა თავი. ახლა იგი პოლონურ ზამოსცში იმყოფება და იქაურ ფიცარნაგზე 23-წლამდელთა ევროპის ჩემპიონატში 94 კილოგრამ წონით კატეგორიაში ცდის ძალებს.

საქართველოს სახელით საერთაშორისო სარბიელზე დებიუტი ანტონმა ოქროს მედლით აღნიშნა - მან ატაცში სამივე ცდა გამოიყენა. ყველაზე დრამატული მესამე მისვლა აღმოჩნდა - 172-კილოგრამიანი შტანგა მას ჩაცუცქულს რამდენიმე წამის განმავლობაში ეკავა და ცოტა ვინმე თუ წარმოიდგენდა, რომ იგი ამ სუტუაციაში წამოდგომას მოახერხებდა.

პლესნოიმ ეს შეძლო და ამ მოძრაობაში პირველი ადგილი დაიკავა - ვერცხლის მედალოსანი პავლო ზაკაშევსკი (უკრაინა) 11 კილოგრამით ჩამოიტოვა. 160 კილოგრამით მესამე ადგილზე სომეხი ჰაკობ მკრტიჩიანი (მას ორი ცდა გაუცუდდა) გავიდა.

ყოველდღიური სპორტული გაზეთი "ლელო"
1143
მკითხველის კომენტარები / 0 /
მსგავსი ამბები
რუბრიკის სხვა სიახლეები
;